O'zbek Ўзбек Русский English
Parolni unutdingizmi?
Ro'yxatdan o'tish
O'zbek Ўзбек Русский English

Birjada bug‘doyning narxi pasaymoqda

13 07/2023
Ko‘rildi: 27267
Ulashish:
13 07/2023
Chop etish

O‘zbekiston Respublikasi Vazirlar Mahkamasining 2023-yil 3-iyundagi 227-son qaroriga muvofiq joriy yil 3-iyuldan boshlab 2023-yil bug‘doy hosilidan vaqtinchalik saqlashga topshirilgan 3-sinf bug‘doy O‘zbekiston respublika tovar-xom ashyo birjasining birja savdolari orqali sotila boshladi.
 
Joriy yil 3-13-iyul kunlarida ochiq birja savdolari orqali 31,1 ming tonna bug‘doy qariyb 900 ta mahalliy g‘alla yetishtiruvchi fermerlar va g‘allachilik klasterlari tomonidan sotildi.
 
O‘tgan davrda birjada shakllangan bug‘doyning o‘rtacha narxi mahsulotning bir tonnasi uchun 2 663,0 ming so‘mni tashkil qildi. Birjada bug‘doy bo‘yicha shakllangan kotirovka uning boshlang‘ich narxiga nisbatan 1,2% ga o‘sdi.
 
Shu bilan birga, 6-13-iyul kunlarida o‘tkazilgan birja savdolari natijalariga ko‘ra 3-sinf bug‘doyning o‘rtacha kunlik narxi mahsulotning bir tonnasi uchun 2 921,0 ming so‘mdan 2 610,0 ming so‘mgacha, yaʼni 10,6% ga pasaydi.
 
Bug‘doy uchun kunlik kotirovkalarning pasayishiga birja bozorining mazkur segmentida taklifning yetarli darajada bo‘lganligi o‘z ijobiy taʼsirini ko‘rsatib kelmoqda.
 
O‘tkazilayotgan birja savdolari davomida bug‘doy uchun birja narxlari talab va taklif asosida shakllanib, tuzilgan bitimlar doirasidagi barcha to‘lovlarni amalga oshirilishi birjaning hisob-kitob kliring palatasi orqali kafolatlanmoqda.
 

Manba: Ommaviy kommunikatsiyalar va tashqi iqtisodiy faoliyat bo‘limi

Boshqa yangiliklar: