O‘zbekcha ohang, o‘zbekcha tafakkur, milliy til qolipi va mazmun... Alisher Navoiy nomidagi Toshkent davlat o‘zbek tili va adabiyoti universitetida bo‘lib o‘tgan “Davlat tilida ish yuritish” amaliy qo‘llanmasining taqdimotida mazkur mavzularda batafsil so‘z yuritildi.

Yakuniga yetgan 2018-yil mamlakatimizda jamiyatimizning barcha sohalarida yuz bergan dinamik hodisalarga boy bo‘ldi. “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da xalqning turmush darajasini oshirishga xizmat qiluvchi keng miqyosli loyihalar amalga oshirildi. Mazkur ijobiy o‘zgarishlar bozor prinsiplari asosida hamda keng jamoatchilikning faol ishtiroki bilan yuz berganligi alohida e’tiborga loyiqdir. Mamlakatimiz rahbari bir necha marotaba O‘zbekistonni rivojlantirishning yagona yo‘li – haqiqiy bozor iqtisodiyotiga o‘tish, deb ta’kidlagani ham bejizga emas.