O‘tgan hafta davomida, yaʼni 23-29-mart kunlari “O‘zbekiston respublika tovar-xom ashyo birjasi” AJning barcha savdo platformalarida 45 506 ta bitim tuzilgan bo‘lib, bu avvalgi haftaga nisbatan 17,0% ga kamdir. Ularning 47,3% birja savdolariga, qolgan 52,7% qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 106,1 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn-auksion orqali 184 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 21 525 ta bitim tuzildi.

Rux metalli

Birja savdolariga 284,0 tonna rux metalli qo‘yildi va ulardan barcha hajmi sotildi. O‘rtacha kunlik sotuv hajmlari 71,0 tonnani tashkil qildi.

O‘tkazilgan savdolarda har kuni o‘rtacha 6 nafar xaridor ishtirok etdi. Ko‘rib chiqilayotgan davrda rux metallining kunlik o‘rtacha narxlari mahsulotning bir tonnasi uchun 53 950,1 ming so‘mdan 48 415,5 ming so‘mgacha pasaydi.

Omuxta yem

Birja savdolari orqali 251,0 tonna omuxta yem qo‘yildi va ulardan barcha hajmi sotildi. O‘rtacha kunlik sotuv hajmlari 63,0 tonnani tashkil qildi.

Ko‘rib chiqilayotgan davrda omuxta yem bo‘yicha shakllangan kunlik o‘rtacha narxlar mahsulotning bir tonnasi uchun 3 498,7 ming so‘mdan 2 000,0 ming so‘mgacha pasaydi. O‘tkazilgan savdolarda har kuni o‘rtacha 3 nafar xaridor ishtirok etdi.

Ammofos

O‘tgan hafta mobaynida birja savdolariga 17 510,0 tonna ammofos qo‘yildi va undan 6 418,0 tonnasi, yaʼni 36,7% sotildi. Ammofosning o‘rtacha kunlik sotuv hajmlari 1 604,0 tonnani tashkil qildi.

Ko‘rib chiqilayotgan davrda ammofos bo‘yicha shakllangan kunlik o‘rtacha narxlar mahsulotning bir tonnasi uchun 8 481,8 ming so‘mdan 8 448,8 ming so‘mgacha pasaydi. O‘tkazilgan savdolarda har kuni o‘rtacha 616 nafar xaridor ishtirok etdi.

Barcha tovarlar uchun haftalik kotirovkalar bilan mazkur havola orqali tanishib chiqishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi