O‘tgan hafta davomida, yaʼni 4-10-avgust kunlari “O‘zbekiston respublika tovar-xom ashyo birjasi” AJning barcha savdo platformalarida 36 807 ta bitim tuzilgan bo‘lib, bu avvalgi haftaga nisbatan 2,6% ga kamdir. Ularning 37,9% birja savdolariga, qolgan 62,1% qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 163,3 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn auksion orqali 3 187 ta avtoraqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 13 942 ta bitim tuzildi.

Qora metall prokati

O‘tgan hafta mobaynida birja savdolariga 10 898,0 tonna qora metall qo‘yildi va undan 6 193,0 tonnasi, yaʼni 56,8% sotildi. 

Ko‘rib chiqilayotgan davrda qora metall prokati bo‘yicha shakllangan kunlik o‘rtacha narxlar mahsulotning bir tonnasi uchun 9 588,1 ming so‘mdan 9 513,3 ming so‘mgacha pasaydi. O‘tkazilgan savdolarda har kuni o‘rtacha 48 ta xaridor ishtirok etdi.

Bug‘doy

Birja savdolari orqali 135 336,0 tonna bug‘doy sotildi. O‘rtacha kunlik sotuv hajmlari 27 067,0 tonnani tashkil qildi.

Ko‘rib chiqilayotgan davrda bug‘doy bo‘yicha shakllangan kunlik o‘rtacha narxlar mahsulotning bir tonnasi uchun 2 709,7 ming so‘mdan 2 631,6 ming so‘mgacha pasaydi. O‘tkazilgan savdolarda har kuni o‘rtacha 165 ta xaridor ishtirok etdi.

Ammoniy sulfat

O‘tgan haftada 3 923,0 tonna ammoniy sulfat birja savdolari orqali sotildi. O‘tkazilgan savdolarda har kuni o‘rtacha 87 ta xaridor ishtirok etdi. O‘rtacha kunlik sotuv hajmlari 785,0 tonnani tashkil qildi.

Ko‘rib chiqilayotgan davrda ammoniy sulfatning kunlik o‘rtacha narxlari mahsulotning bir tonnasi uchun 2 649,3 ming so‘mdan 2 641,5 ming so‘mgacha pasayganini taʼkidlash lozim.

Manba: Ommaviy kommunikatsiyalar va tashqi iqtisodiy faoliyat bo‘limi