O‘zbekiston respublika tovar-xom ashyo birjasi Qirg‘izistonning yetakchi korxonalari – “Aziya Stal” MCHJ va “Ismail” Agroxoldingi bazasida yangi xorijiy savdo maydonchalarini ochdi.

Ushbu qadam ikki mamlakat biznes subyektlariga ortiqcha vositachilarsiz birja savdolarida to‘g‘ridan to‘g‘ri ishtirok etish, narxlarning shaffof shakllanishini ta’minlash hamda O‘zRTXBning hisob-kitob-kliring tizimi orqali bitimlar xavfsizligini kafolatlash imkonini beradi.

“Aziya Stal” bazasidagi savdo maydonchasi metall mahsulotlari va qurilish materiallari bozoriga yo‘naltiriladi. «Ismail» Agroxoldingi bilan integratsiya esa qishloq xo‘jaligi mahsulotlari va oziq-ovqat mahsulotlarini o‘zaro yetkazib berish hajmini oshirishga xizmat qiladi hamda ishlab chiqaruvchilar uchun istiqbolli qo‘shni bozorlarga to‘g‘ridan to‘g‘ri chiqish imkoniyatlarini yaratadi.

Manba: Ommaviy kommunikatsiyalar va tashqi iqtisodiy faoliyat bo‘limi