2026-yil 23-iyul kuni O‘zbekiston respublika tovar-xom ashyo birjasida Raqobatni rivojlantirish va isteʼmolchilar huquqlarini himoya qilish qo‘mitasi bilan hamkorlikda birja savdolari va davlat xaridlari masalalariga bag‘ishlangan seminar bo‘lib o‘tdi.

Tadbirda Iqtisodiyot va moliya vazirligi, yirik sanoat korxonalari, ishlab chiqaruvchi tashkilotlar, brokerlik idoralari hamda bozor ishtirokchilari faol qatnashdi. Bu esa seminarning amaliy ahamiyatini yanada oshirdi.

Seminar davomida qonunchilikdagi so‘nggi o‘zgarishlar, mahsulotlarni birja orqali sotish tartibi, savdo jarayonlarining shaffofligini taʼminlash masalalari atroflicha tushuntirildi. Shuningdek, raqobat talablariga rioya qilish, isteʼmolchilar huquqlarini himoya qilish, bozorda adolatli muhitni shakllantirish hamda monopoliyaga qarshi komplayens tizimini joriy etish va uning ahamiyati haqida batafsil maʼlumot berildi.

Ishtirokchilar o‘zaro fikr almashib, mavjud muammolar va ularni hal etish yo‘llari yuzasidan takliflar bildirdilar. Seminar yakunida birja savdolarini yanada takomillashtirish, davlat xaridlari jarayonida ochiqlik va samaradorlikni oshirish bo‘yicha muhim xulosalarga kelindi.

Manba: Ommaviy kommunikatsiyalar va tashqi iqtisodiy faoliyat bo‘limi