2026-yilning 1-choragida O‘zbekiston respublika tovar-xom ashyo birjasining birja savdolari orqali 2 342,9 kilogramm oltin va kumush sotildi.

Xususan, birja orqali 1 920,2 kg oltin sotilgan. Ko‘rib chiqilayotgan davrda oltinning o‘rtacha birja kotirovkasi 1 gramm uchun 1 779,9 ming so‘mni tashkil etdi. Kumushning sotilish hajmi 422,7 kg ga teng bo‘lib, uning o‘rtacha narxi 1 gramm uchun 31 408,3 so‘mga teng bo‘ldi.

Qimmatbaho metallarning boshlang‘ich narxi O‘zbekiston Respublikasi Markaziy bankining birja bitimi tuzilgan sanadagi kursi bo‘yicha milliy valyutada London qimmatbaho metallar bozori uyushmasining so‘nggi tonggi fiksingi asosida belgilanadi.

Birja bozorida “Olmaliq KMK” AJ va “Navoiy KMK” AJ qimmatbaho metallarni sotuvchilari sifatida ishtirok etmoqda. Sanoatda ishlatiladigan mahsulotlarni qayta ishlash quvvatiga ega bo‘lgan ishlab chiqaruvchilar, hamda zargarlik buyumlar ishlab chiqaruvchilar qimmatbaho metallarning xaridorlari hisoblanadi.

Barcha tovarlar, jumladan qimmatbaho metallar uchun haftalik kotirovkalar bilan mazkur havola orqali tanishib chiqishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi