O‘tgan hafta davomida, yaʼni 19-25-yanvar kunlari “O‘zbekiston respublika tovar-xom ashyo birjasi” AJning barcha savdo platformalarida 37 313 ta bitim tuzilgan bo‘lib, bu avvalgi haftaga nisbatan 33,9 %ga ko‘pdir. Ularning 59,1 % birja savdolariga, qolgan 40,9 % qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 68,8 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn auksion orqali 313 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 22 050 ta bitim tuzildi.

Polietilen

Birja savdolariga 3 789,0 tonna polietilen qo‘yildi va undan 3 549,0 tonnasi, yaʼni 93,7 % qismi sotildi. O‘rtacha kunlik sotuv hajmlari 710,0 tonnani tashkil qildi.

Ko‘rib chiqilayotgan davrda polietilen bo‘yicha shakllangan kunlik o‘rtacha narxlar mahsulotning bir tonnasi uchun 16 026,3 ming so‘mdan 15 398,7 ming so‘mgacha pasaydi. O‘tkazilgan savdolarda har kuni o‘rtacha 65 nafar xaridor ishtirok etdi.

Omuxta yem

O‘tgan hafta mobaynida birja savdolariga 388,0 tonna omuxta yem qo‘yildi va ulardan barcha hajmi sotildi. O‘rtacha kunlik sotuv hajmlari 78,0 tonnani tashkil qildi.

Ko‘rib chiqilayotgan davrda omuxta yem bo‘yicha shakllangan kunlik o‘rtacha narxlar mahsulotning bir tonnasi uchun 2 701,5 ming so‘mdan 2 000,0 ming so‘mgacha pasaydi. O‘tkazilgan savdolarda har kuni o‘rtacha 3 nafar xaridor ishtirok etdi.

Qora metall

O‘tgan haftada birja savdolari orqali 2 546,0 tonna qora metall sotildi. O‘tkazilgan savdolarda har kuni o‘rtacha 12 nafar xaridor ishtirok etdi. O‘rtacha kunlik sotuv hajmlari 509,0 tonnani tashkil qildi.

Ko‘rib chiqilayotgan davrda barcha markadagi qora metallning kunlik o‘rtacha narxlari mahsulotning bir tonnasi uchun 8 697,1 ming so‘mdan 8 504,5 ming so‘mgacha pasaydi.

Barcha tovarlar uchun haftalik kotirovkalar bilan mazkur havola orqali tanishib chiqishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi