2025-yil yakunlariga ko‘ra, O‘zbekiston respublika tovar-xom ashyo birjasining “Agro Uzex” elektron savdo platformasida qishloq xo‘jaligi mahsulotlari savdosi barqaror o‘sish dinamikasini namoyon etdi.

Ko‘rib chiqilayotgan davrda agro.uzex.uz elektron savdo platformasi orqali jami 1 800 dan ziyod bitim tuzildi. Tuzilgan bitimlarning 43% yong‘oqlar va urug‘lar, 21% ko‘chatlar, 19% don mahsulotlari hamda 12% sabzavotlar savdosiga to‘g‘ri keldi.

Xususan, eng yirik bitimlar pista, guruch, kartoshka, qayrag‘och ko‘chati va kunjut urug‘i kabi qishloq xo‘jaligi mahsulotlari bo‘yicha amalga oshirildi. Bu esa platforma orqali talab yuqori bo‘lgan mahsulotlar savdosi faol kechayotganini ko‘rsatadi.

Hisobot davrida mazkur platformada jami 1 000 nafardan oshiq ishtirokchi faol qatnashdi. Ularning 600 nafardan ortig‘i sotuvchilar, 400 nafardan ortig‘i esa xaridorlarni tashkil etdi. Bu elektron savdo mexanizmining shaffof va raqobat muhitini shakllantirishda muhim ahamiyat kasb etayotganini tasdiqlaydi.

Hurmatli tadbirkorlar va fuqarolar!

Qishloq xo‘jaligi bozorini rivojlantirishda faol ishtirok etish imkoniyatini qo‘ldan boy bermang.

“Agro Uzex” – fermerlar va xaridorlar uchun yangi imkoniyatlar!

agro.uzex.uz platformasi orqali mahsulotingizni erkin bozor narxlarida soting yoki zarur mahsulotlarni xarid qiling. Savdoning barqaror o‘sishidan foyda oling va biznesingizni yangi bosqichga olib chiqing.

Batafsil maʼlumot agro.uzex.uz saytida.

Manba: Ommaviy kommunikatsiyalar va tashqi iqtisodiy faoliyat bo‘limi