O‘zbekiston respublika tovar-xom ashyo birjasining mobilraqam.uzex.uz savdo tizimi orqali xaridorgir raqamlar kombinatsiyasiga ega bo‘lgan IP telefon raqamlar sotila boshlandi.

Mazkur loyiha “O‘zbekiston respublika tovar-xom ashyo birjasi” AJ (UZEX) va “O‘zbektelekom” AK (Uztelecom) o‘rtasida 2020 yil 18 dekabrda tuzilgan shartnoma (kiritilgan qo‘shimchalari bilan)ga muvofiq amalga oshirilmoqda.

Mazkur loyhadan ko‘zlangan asosiy maqsad xaridorgir raqamlar kombinatsiyasiga ega bo‘lgan “71” va “55” kodli IP telefon raqamlarni onlayn-auksion tarzida sotish orqali ulardan foydalanish imkoniyatlarini kengaytirishdan iboratdir.

IP telefon raqamlarni sotuvga qo‘yilishi Sotuvchi, yaʼni “O‘zbektelekom” AK (Uztelecom) milliy aloqa operatori tomonidan birjaning axborot tizimidagi shaxsiy kabinet orqali amalga oshiriladi. Auksion onlayn-rejimda shaffoflik tamoyillari asosida boshlang‘ich narxlarni ko‘tarilish tartibida o‘tkaziladi.

Onlayn-auksionda jismoniy va yuridik shaxslar ishtirok etishlari mumkin. Buning uchun ular mobilraqam.uzex.uz veb-saytida onlayn ro‘yxatdan o‘tishlari va birjaning hisob-kitob kliring palatasidagi shaxsiy raqamiga zakalat va vositachilik yig‘imi uchun kerakli mablag‘larni kiritishlari kerak.

Onlayn-auksionda ishtirok etish masalalari yuzasidan qo‘shimcha maʼlumot uchun, UZEX birjasining Call-markaziga (+71) 207-00-33 telefon raqami yoki @uzexfeedbackbot telegram boti orqali murojaat qilishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi