bayroqlar O'zbek bayroqlar Ўзбек bayroqlar Русский bayroqlar English
Паролни унутдингизми?
Рўйҳатдан ўтиш
bayroqlar O'zbek bayroqlar Ўзбек bayroqlar Русский bayroqlar English

UZEX биржаси 2022 йилда корпоратив бошқарув бўйича энг яхши компания деб эътироф этилди

31 03/2023
Кўрилди: 7404
Улашиш:
Yangiliklar
31 03/2023
Чоп этиш

2023 йил 31 март куни Ўзбекистон Республикаси Инвестиция институтлари миллий уюшмаси (NAII) томонидан 2022 йил якунлари бўйича “Ўзбекистон капитал бозорида энг яхши” танлови ғолибларини тақдирлаш маросими бўлиб ўтди.
 
Танлов якунига кўра, 2022 йилда “Энг яхши корпоратив бошқарув” номинациясида “Ўзбекистон республика товар-хом ашё биржаси” АЖ ғолиб бўлди.
 
Биржанинг самарали корпоратив бошқаруви жамиятнинг менежерлар ва акциядорлар ўртасидаги мувозанатни таъминлайди, бизнес жараёнларини оптималлаштиради, унинг фаолиятининг шаффофлигини оширади ҳамда компаниянинг барқарор ва изчил ривожланишига хизмат қилади.
 
МДҲ давлатлари халқаро биржалар уюшмасининг ҳисоботига кўра, Ўзбекистон республика товар-хом ашё биржаси яратилган инфратузилма ва электрон савдо майдончалари, сотиладиган товарларнинг ассортименти ва савдолар ҳажми бўйича МДҲ мамлакатларининг товар биржалари орасида етакчи ўринларни эгалайди.
 
UZEX биржасида амалга ошириладиган транзакцияларнинг йиллик ҳажми 13,0 млрд АҚШ долларидан ошади, бу эса Ўзбекистон Ялпи Ички Маҳсулотининг қарийб 16% га тенг демакдир. Биржада асосий платформа – биржа савдоларидан ташқари электрон тижорат соҳасига алоқадор бўлган 5 та савдо тизимлари мавжуд.
 
Биржанинг таркибий тузилмасига 14 та ҳудудий филиаллар ҳамда республиканинг барча туманларида жойлашган 400 дан зиёд савдо майдончалари ва дунёнинг турли мамлакатларида ўз фаолиятини юритиб келаётган қарийб 40 та хорижий савдо майдончалари киради. Шу билан бирга, биржа мижозларининг умумий сони 500 мингтадан ортиқдир.
 
Юқори рентабеллик ва тўланаётган дивидендлар миқдорининг мунтазам равишда ўсиб бориши эвазига Ўзбекистон республика товар-хом ашё биржасининг акциялари фонд бозорида катта талабдан фойдаланади.
 
Хусусан, «Тошкент» Республика фонд биржасида “Ўзбекистон республика товар-хом ашё биржаси” акциядорлик жамияти акцияларининг бозор нархи уларнинг номинал қийматига нисбатан 30 маротабага кўпдир. Шу билан бирга, компания ҳар йили соф фойданинг 85% дан ортиғини акциядорларга юборади, улардан 1,8 мингтасини миноритар акциядорлар ташкил қилади.
 

Манба: Оммавий коммуникациялар ва ташқи иқтисодий фаолият бўлими

Бошқа янгиликлар: