Биржанинг давлат харидлари бўйича «ekoplatforma.uz» электрон тизимида маҳаллий ишлаб чиқарувчилар учун янги имконият яратилди
“Ўзбекистон республика товар-хом ашё биржаси” АЖнинг маҳаллий ишлаб чиқарувчилар экотизими – “ekoplatforma” электрон тизимида мувофиқлик декларацияларига оид маълумотларни интеграция орқали олиш ва автоматик акс эттириш имконияти жорий этилди.
Давлат харидлари электрон платформаси экотизими бўлган ekoplatforma.uz ишлаб чиқарувчилар ва буюртмачилар ўртасида ишончли ҳамкорликни таъминлаш, маҳаллий корхоналарнинг давлат харидларидаги иштирокини кенгайтириш ҳамда улар учун тенг имкониятлар яратишга хизмат қилади.
Эндиликда маҳаллий ишлаб чиқарувчилар ўз маҳсулотларига расмийлаштирилган мувофиқлик декларациялари асосида ekoplatforma.uz электрон тизими савдоларида ҳудудий чекловларсиз, республика миқёсида иштирок этишлари мумкин.
Мазкур янгилик Ўзбекистон Республикаси Президентининг 2025-йил 18-апрелдаги ПФ-67-сон Фармонида белгиланган ўзгаришлар доирасида амалга оширилди. Фармоннинг 4-банди “а” кичик бандига мувофиқ, хавф даражаси юқори бўлган маҳсулотларни мажбурий давлат рўйхатидан ўтказиш тартиби бекор қилиниб, уларга мувофиқлик тўғрисидаги декларацияни расмийлаштириш тартиби жорий этилган.
Тизимга киритилган янги имконият ҳужжатларни тақдим этиш жараёнларини соддалаштириш ва маълумотлар алмашинувини автоматлаштиришга хизмат қилади. Бу эса маҳаллий ишлаб чиқарувчиларнинг электрон савдоларда иштирок этиш имкониятларини янада кенгайтиради.
ekoplatforma.uz – тадбиркорлар ва буюртмачилар ўртасида ишончли ҳамкор.
Манба: Оммавий коммуникациялар ва ташқи иқтисодий фаолият бўлими
Бошқа янгиликлар:
- Тошкентда UZEX AI Hackathon финал босқичи бошланди
- Биржанинг давлат харидлари бўйича «ekoplatforma.uz» электрон тизимида маҳаллий ишлаб чиқарувчилар учун янги имконият яратилди
- UZEX ҳафталик дайжести (26 октябрь – 1 ноябрь)
- UZEX GLOBAL фьючерс савдолари бўйича дастлабки ўқув курсини ташкил этди
- ПАХТА СЕКЦИЯСИ
- UZEX 2026 йилнинг 9 ойи якунлари бўйича матбуот анжумани ўтказди