bayroqlar O'zbek bayroqlar Ўзбек bayroqlar Русский bayroqlar English
Parolni unutdingizmi?
Ro'yxatdan o'tish
bayroqlar O'zbek bayroqlar Ўзбек bayroqlar Русский bayroqlar English

Birjada “yashil energetika seksiyasi” ochiladi

16 05/2023
Ko‘rildi: 7451
Ulashish:
Yangiliklar
16 05/2023
Chop etish

O‘zbekiston Respublikasida qayta tiklanuvchi energiya manbalaridan foydalanishni rivojlantirish maqsadida 2023 yil 12 mayda O‘zbekiston Respublikasi Prezidentining “Yashil energiya” sertifikatlari tizimini joriy etish chora-tadbirlari to‘g‘risida”gi PQ-156-son qarori qabul qilindi.
 
Qarorga muvofiq Qayta tiklanuvchi energiya manbalarini sertifikatlash xalqaro jamg‘armasi (I-REC) bilan kelishgan holda O‘zbekiston Respublikasida “yashil energiya” sertifikatlari tizimi joriy etiladi.
 
Bunda, Bitta “yashil energiya” sertifikati  qayta tiklanuvchi energiya manbalaridan foydalangan holda 1000 kVt/soat elektr ishlab chiqarilganini tasdiqlaydi.
 
Mazkur sertifikatlar O‘zbekiston respublika tovar-xom ashyo birjasida sotilib, buning uchun birja savdolarida “yashil energiya” sertifikatlarini sotishga mo‘ljallangan alohida “yashil energetika seksiyasi” tashkil qilinadi.
 
Ushbu mexanizmning joriy etilishi qayta tiklanuvchi energiya loyihalarini amalga oshirish uchun qo‘shimcha moliyalashtirish manbalarini shakllantirish va mahalliy ishlab chiqaruvchi korxonalar o‘z mahsulotlarini Yevropa va boshqa rivojlangan davlatlar bozorlariga eksport qilishda imtiyozlardan foydalanish imkonini beradi.
 
Qarorning to‘liq matni bilan birjaning rasmiy vebsaytining Meʼyoriy-huquqiy baza bo‘limida tanishib chiqishingiz mumkin.
 

Manba: Ommaviy kommunikatsiyalar va tashqi iqtisodiy faoliyat bo‘limi

Boshqa yangiliklar: