O‘tgan hafta davomida, yaʼni 22-28-sentabr kunlari “O‘zbekiston respublika tovar-xom ashyo birjasi” AJning barcha savdo platformalarida 40 239 ta bitim tuzilgan bo‘lib, bu avvalgi haftaga nisbatan 7,5% ga ko‘pdir. Ularning 28,3% birja savdolariga, qolgan 71,7% qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 137,9 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn auksion orqali 2 123 ta avtoraqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 13 281 ta bitim tuzildi.

Shrot

O‘tgan hafta mobaynida birja savdolariga 11 393,0 tonna shrot qo‘yildi va undan 8 066,0 tonnasi, yaʼni 70,8% sotildi. 

Ko‘rib chiqilayotgan davrda shrot bo‘yicha shakllangan kunlik o‘rtacha narxlar mahsulotning bir tonnasi uchun 4 330,7 ming so‘mdan 4 015,9 ming so‘mgacha pasaydi. O‘tkazilgan savdolarda har kuni o‘rtacha 8 ta xaridor ishtirok etdi.

Ammiakli selitra

O‘tgan haftada 8 704,0 tonna ammiakli selitra birja savdolari orqali sotildi. O‘tkazilgan savdolarda har kuni o‘rtacha 21 ta xaridor ishtirok etdi. O‘rtacha kunlik sotuv hajmlari 1 741,0 tonnani tashkil qildi.

Ko‘rib chiqilayotgan davrda ammiakli selitraning kunlik o‘rtacha narxlari mahsulotning bir tonnasi uchun 2 944,6 ming so‘mdan 2 923,8 ming so‘mgacha pasayganini taʼkidlash lozim.

Polietilen

Birja savdolari orqali 2 730,0 tonna polietilen sotildi. O‘rtacha kunlik sotuv hajmlari 546,0 tonnani tashkil qildi. O‘tkazilgan savdolarda har kuni o‘rtacha 64 ta xaridor ishtirok etdi.

Ko‘rib chiqilayotgan davrda polietilen bo‘yicha shakllangan kunlik o‘rtacha narxlar mahsulotning bir tonnasi uchun 16 534,4 ming so‘mdan 16 478,3 ming so‘mgacha pasaydi.

Manba: Ommaviy kommunikatsiyalar va tashqi iqtisodiy faoliyat bo‘limi