O‘tgan hafta davomida, yaʼni 14–20-sentabr kunlari “O‘zbekiston respublika tovar-xom ashyo birjasi” AJning barcha savdo platformalarida 28 835 ta bitim tuzilgan bo‘lib, bu avvalgi haftaga nisbatan 15,7 % ga kamdir. Ularning 52,1 % birja savdolariga, qolgan 47,9 % qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 180,1 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn-auksion orqali 204 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 15 018 ta bitim tuzildi.

Sement

Birja savdolariga 776 804,0 tonna sement qo‘yildi va undan 381 305,0 tonnasi, yaʼni 49,1 % qismi sotildi. O‘rtacha kunlik sotuv hajmlari 76 261,0 tonnani tashkil qildi.

Ko‘rib chiqilayotgan davrda sement bo‘yicha shakllangan kunlik o‘rtacha narxlar mahsulotning bir tonnasi uchun 667,5 ming so‘mdan 604,7 ming so‘mgacha pasaydi. O‘tkazilgan savdolarda har kuni o‘rtacha 91 nafar xaridor ishtirok etdi.

Paxta yog‘i

O‘tgan haftada birja savdolari orqali 888,0 tonna paxta yog‘i sotildi. O‘rtacha kunlik sotuv hajmlari 178,0 tonnani tashkil qildi. O‘tkazilgan savdolarda har kuni o‘rtacha 4 nafar xaridor ishtirok etdi.

Ko‘rib chiqilayotgan davrda barcha navli paxta yog‘ining kunlik o‘rtacha narxlari mahsulotning bir tonnasi uchun 19 408,3 ming so‘mdan 19 228,6 ming so‘mgacha pasaydi.

Polipropilen

O‘tgan hafta davomida birja savdolariga 2 065,0 tonna polipropilen qo‘yildi va undan 1 634,0 tonnasi, yaʼni 79,1 % sotildi. O‘rtacha kunlik sotuv hajmlari 327,0 tonnani tashkil qildi.

Ko‘rib chiqilayotgan davrda polipropilenning barcha markasi bo‘yicha shakllangan kunlik o‘rtacha narxlar mahsulotning bir tonnasi uchun 18 336,2 ming so‘mdan 18 074,6 ming so‘mgacha pasaydi. O‘tkazilgan savdolarda har kuni o‘rtacha 34 nafar xaridor ishtirok etdi.

Barcha tovarlar bo‘yicha haftalik kotirovkalar bilan quyidagi havola orqali tanishishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi