O'zbek
Ўзбек
Русский
English
UZEX haftalik dayjesti (21-27-noyabr)
O‘tgan hafta davomida, ya’ni 21–27 noyabr kunlari «O‘zbekiston respublika tovar-xom ashyo birjasi» AJning barcha savdo platformalarida 2 542,0 mlrd so‘mlik tovarlar sotilgan bo‘lib, bu avvalgi haftaga nisbatan 8,6 % ga ko‘pdir. Bunda sotuvlarning 82,1 % - birja savdolari; 0,2% - ko‘rgazma-yarmarka savdolari; 17,5% - elektron davlat xaridlari va 0,2% - avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 598,4 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 87,4 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 2 429 ta avtoraqamlar sotildi, sotilgan davlat raqam belgilarining umumiy summasi 6,1 mlrd so‘mni tashkil qildi. Raqobatli savdolar natijasida bitimlarning 3,5% birinchi toifadagi avtoraqamlarga; 7,2% ikkinchi; 7,1% uchinchi; 11,0% to‘rtinchi; 23,3% beshinchi va 48,0% oltinchi toifa avtoraqamlarga tegishlidir.
Birja savdolari
Ko‘rib chiqilayotgan davrda ochiq birja savdolari orqali jami 2 088,2 mlrd so‘mlik tovar resurslari sotildi. Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘yishdi, shu jumladan:
Shakar
Birjaning shakar bozorida narxlar pasayishi qayd etildi. Hafta davomida birja savdolariga
12 000,0 tonna shakar qo‘yildi va barchasi sotildi. O‘tkazilgan savdolarda har kuni o‘rtacha 287 xaridor ishtirok etdi.
Ko‘rib chiqilayotgan davrda shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 10 502,2 ming so‘mdan 10 158,0 ming so‘mgacha pasaygan.
O‘tkazilgan birja savdolari natijasida mahalliy shakarning TS-2 – kategoriyasi Bo‘yicha shakllangan o‘rtacha haftalik narxi mahsulotni bir tonnasi uchun 10 456,6 ming so‘mni tashkil etdi.
Suyultirilgan gaz
Birjaning suyultirilgan gaz bozorida narxlar pasayishi qayd etildi. Hafta davomida birja savdolariga 5 581,0 tonna suyultirilgan gaz qo‘yildi va 5 475 tonnasi ya’ni 98% sotildi.
O‘tkazilgan savdolarda har kuni o‘rtacha 166 xaridor ishtirok etdi.
Ko‘rib chiqilayotgan davrda suyultirilgan gaz bo‘yicha shakllangan kunlik o‘rtacha narxlar mahsulotning bir tonnasi uchun 3 923,4 ming so‘mdan 3 610,0 ming so‘mgacha pasaygan.
Polietilen
O‘tgan hafta mobaynida birja savdolariga 4 069,0 tonna polietilen qo‘yildi va undan 4 050,0 tonnasi, ya’ni 99,5% qismi sotildi. Polietilenning o‘rtacha kunlik sotuv hajmlari 810,0 ming tonnani tashkil qildi.
Ko‘rib chiqilayotgan davrda polietilenning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 19 079,0 ming so‘mdan 17 735,0 ming so‘mgacha pasaydi. O‘tkazilgan savdolarda har kuni o‘rtacha 73 xaridor ishtirok etdi.
Manba: Ommaviy kommunikatsiyalar va tashqi iqtisodiy faoliyat bo‘limi
Boshqa yangiliklar:
- Afg‘onistonda O‘zbekiston respublika tovar-xom ashyo birjasi tarmog‘i kengaymoqda
- UZEX haftalik dayjesti (24-30-noyabr)
- Hududlarda davlat xaridlari bo‘yicha tadbirkorlar uchun seminarlar o‘tkazildi
- Afg‘onistonda birjaning savdo maydonchasi ochildi
- UZEX haftalik dayjesti (17-23-noyabr)
- Elektron davlat xaridlari bo‘yicha yangi servislar joriy qilindi