UZEX haftalik dayjesti (4 – 10 iyul)
O‘tgan hafta davomida, ya’ni 4 – 10 iyul kunlari "O‘zbekiston respublika tovar-xom ashyo birjasi" AJning barcha savdo platformalarida 4 300,8 mlrd so‘mlik tovarlar sotilgan bo‘lib, bu avvalgi haftaga nisbatan 67,0% ga ko‘pdir. Bunda sotuvlarning 61,9% - birja savdolari, 37,7% - elektron davlat xaridlari, 0,2% - ko‘rgazma-yarmarka savdolari va 0,1% - avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik sub’ektlari ishtirokida tuzilgan bitimlarning umumiy hajmi 611,6 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 321,6 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 2 318 ta avtoraqamlar sotildi, sotilgan davlat raqam belgilarining umumiy summasi 5,5 mlrd so‘mni tashkil qildi. Raqobatli savdolar natijasida bitimlarning 4,2% birinchi toifadagi avtoraqamlarga, 7,2% ikkinchi, 7,0% uchinchi, 9,6% to‘rtinchi, 23,2% beshinchi va 48,8% oltinchi toifa avtoraqamlarga to‘g‘ri keldi.
Birja savdolari
Ko‘rib chiqilayotgan davrda ochiq birja savdolari orqali jami 2 660,3 mlrd so‘mlik tovar resurslari sotildi. Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘yishdi, shu jumladan:
Ko‘mir
Birjaning ko‘mir bozorida narxlar pasayishi qayd etildi. O‘tgan haftada birja savdolariga 9 676,0 tonna ko‘mir qo‘yildi, undan 5 831,0 tonnasi sotildi. O‘tkazilgan savdolarda har kuni o‘rtacha 19 ta xaridor ishtirok etdi. O‘rtacha kunlik sotuv hajmlari 1 166,0 tonnani tashkil qildi.
Ko‘rib chiqilayotgan davrda ko‘mirning kunlik o‘rtacha narxlari mahsulotning bir tonnasi uchun 387,6 ming so‘mdan 374,3 ming so‘mgacha, ya’ni 3,4% ga pasayganini ta’kidlash lozim.
Katodli mis
O‘tgan hafta davomida birja savdolariga 1 846,0 tonna katodli mis qo‘yildi va undan 1 544,0 tonnasi sotildi.
Ko‘rib chiqilayotgan davrda katodli mis bo‘yicha shakllangan kunlik o‘rtacha narxlar mahsulotning bir tonnasi uchun 97 244,0 ming so‘mdan 91 789,0 ming so‘mgacha, ya’ni 5,6%ga pasaygan.
O‘tkazilgan birja savdolari natijasida katodli mis bo‘yicha shakllangan o‘rtacha haftalik narxi mahsulotni bir tonnasi uchun 93 751,4 ming so‘mni tashkil etdi.
Omuxta yem
O‘tgan hafta mobaynida birja savdolariga 14 672,0 tonna omuxta yem qo‘yildi va undan 10 161,0 tonnasi sotildi.
Ko‘rib chiqilayotgan davrda omuxta yem bo‘yicha shakllangan kunlik o‘rtacha narxlar mahsulotning bir tonnasi uchun 2 154,7 ming so‘mdan 2 020,4 ming so‘mgacha, ya’ni 6,2% ga pasaydi. O‘tkazilgan savdolarda har kuni o‘rtacha 140 ta xaridor ishtirok etdi.
Manbaa: "O'zRTXB" AJ PR bo'limi