O‘tgan hafta davomida, yaʼni 27–iyuldan 2-avgustgacha “O‘zbekiston respublika tovar-xom ashyo birjasi” AJning barcha savdo platformalarida 41 602 ta bitim tuzilgan bo‘lib, bu avvalgi haftaga nisbatan 7,6 % ga ko‘pdir. Ularning 37,5 % birja savdolariga, qolgan 62,5 % qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 126,7 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn-auksion orqali 166 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 15 594 ta bitim tuzildi.

Sheluxa

Birja savdolarida 6 128,0 tonna sheluxa sotildi. O‘tkazilgan savdolarda har kuni o‘rtacha 5 nafar xaridor ishtirok etdi. O‘rtacha kunlik sotuv hajmlari 1 226,0 tonnani tashkil qildi.

Ko‘rib chiqilayotgan davrda sheluxaning kunlik o‘rtacha narxlari mahsulotning bir tonnasi uchun 3 689,2 ming so‘mdan 3 118,0 ming so‘mgacha pasaydi.

Karbamid

O‘tgan hafta mobaynida birja savdolariga 14 490,0 tonna karbamid qo‘yildi va undan 14 136,0 tonnasi, yaʼni 97,6% sotildi. O‘rtacha kunlik sotuv hajmlari 2 826,0 tonnani tashkil qildi.

Ko‘rib chiqilayotgan davrda barcha markali karbamidning kunlik o‘rtacha narxlari mahsulotning bir tonnasi uchun 4 553,3 ming so‘mdan 4 420,7 ming so‘mgacha pasaygan. O‘tkazilgan savdolarda har kuni o‘rtacha 1 365 nafar xaridor ishtirok etdi.

Ammoniy sulfat

Birja savdolari orqali 3 118,0 tonna ammoniy sulfat sotildi. O‘tkazilgan savdolarda har kuni o‘rtacha 106 nafar xaridor ishtirok etdi. O‘rtacha kunlik sotuv hajmlari 624,0 tonnani tashkil qildi.

Ko‘rib chiqilayotgan davrda ammoniy sulfatning kunlik o‘rtacha narxlari mahsulotning bir tonnasi uchun 3 067,9 ming so‘mdan 3 033,6 ming so‘mgacha pasaydi.

Barcha tovarlar bo‘yicha haftalik kotirovkalar bilan quyidagi havola orqali tanishishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi