Birjada shakar narxi barqarorlashdi
2022 yil 10-14 iyunda O‘zbekiston respublika tovar-xom ashyo birjasida o‘tkazilgan ochiq birja savdolari natijalariga ko‘ra shakarning barcha kategoriyasi bo‘yicha shakllangan o‘rtacha kunlik narxi mahsulotning bir tonnasi uchun 14 554,5 ming so‘mdan 10 754,9 ming so‘mgacha, ya’ni 26,1% ga pasaydi.
Ko‘rib chiqilayotgan davrda birja savdolariga jami 6 004 tonna shakar qo‘yilgan bo‘lib, ulardan barcha hajmi sotildi. Bunda, birja savdolari orqali "Xorazm shakar" MCHJ tomonidan 3 000 tonna va "Angren shakar" MCHJ tomonidan 3 004 tonna shakar sotildi.
Shakarni birjada xarid qilishda talab darajasidan kelib chiqqan holda, hududlar o‘rtasida mutanosib taqsimot shakllanmoqda.
Manbaa: "O'zRTXB" AJ PR bo'limi