bayroqlar O'zbek bayroqlar Ўзбек bayroqlar Русский bayroqlar English
Parolni unutdingizmi?
Ro'yxatdan o'tish
bayroqlar O'zbek bayroqlar Ўзбек bayroqlar Русский bayroqlar English

UZEX korrupsiyaga qarshi kurashish bo‘yicha xalqaro sertifikat talablariga muvofiqligini tasdiqladi

07 03/2023
Ko‘rildi: 3434
Ulashish:
Yangiliklar
07 03/2023
Chop etish

“O‘zbekiston respublika tovar-xom ashyo birjasi” AJ korrupsiyaga qarshi kurashish bo‘yicha ichki menejment tizimining “Korrupsiyaga qarshi kurashish menejmenti tizimi” ISO 37001:2016 xalqaro standartiga muvofiqligini tasdiqlash bo‘yicha ikkinchi kuzatuv auditini yakunladi.
 
“СERT international” xalqaro tashkiloti tomonidan o‘tkazilgan keng qamrovli audit natijalari kompaniyada jahon standarlariga javob beradigan korrupsiyaga qarshi kurashish tizimi amalda mavjudligini tasdiqlaydi.
 
Mazkur sertifikat O‘zbekiston respublika tovar-xom ashyo birjasini korrupsiyaning har qanday ko‘rinishlariga nisbatan murosasiz munosabatda bo‘lishini anglatadi va birja xizmatlarining jozibadorligi hamda mijozlar, biznes hamkorlar va elektron savdo ishtirokchilari, shu jumladan tadbirkorlarning shaffof birja savdolari va onlayn auksionlarga bo‘lgan ishonchini oshirishga xizmat qiladi.
 
Kuzatuv auditning muvaffaqiyatli yakunlanishi ko‘p jihatdan birjada korrupsiyaga qarshi kurashish bo‘yicha yagona siyosatning joriy etilganligi va korrupsiyaga qarshi samarali boshqaruv tizimini tashkillashtirilganligi bilan izohlanadi.
 
Xususan, “O‘zbekiston respublika tovar-xom ashyo birjasi” AJda malakali mutaxassislar bilan taʼminlangan Komplayens nazorat, korrupsiyaga qarshi kurashish va axborot xavfsizligi bosh boshqarmasi tashkil etilib, samarali faoliyat yuritib kelmoqda.
 
Bundan tashqari, birjaning xaridlar tizimi qayta ko‘rib chiqildi, barcha biznes-jarayonlarning korrupsion xavf-xatarlarga moyilligi muntazam ravishda baholanmoqda hamda kadrlarning komplayens-madaniyatini oshirish maqsadida xodimlar o‘qitilmoqda va tegishli so‘rovnomalar o‘tkazilmoqda.
 
Birjada muloqot aloqalari va jamoatchilik nazoratining samarali tizimi ham yaratilgan. Elektron savdolarda ishtirok etishda muammolarga duch kelgan holda fuqarolar va tadbirkorlar @uzexfeedbackbot, korrupsiya holatlari bo‘yicha esa @uzexanticorruptionbot telegram-botlari orqali murojaat qilishlari mumkin.
 
Eslatib o‘tamiz, “O‘zbekiston respublika tovar-xom ashyo birjasi” AJ ISO 37001:2016 “Korrupsiyaga qarshi kurashish menejmenti tizimi” xalqaro standarti bo‘yicha sertifikatni ilk bor 2021-yilda olgan edi.
 

Manba: Ommaviy kommunikatsiyalar va tashqi iqtisodiy faoliyat bo‘limi

Boshqa yangiliklar: