Birjaning AVTORAQAM savdo tizimida rekord yangilandi
2023-yil 10-oktabr kuni o‘tkazilgan raqobatli auksion savdolar natijasiga ko‘ra “777” raqamlar kombinatsiyasiga ega avtoraqam O‘zbekiston respublika tovar-xom ashyo birjasining avtoraqam.uzex.uz vebsaytida 893 970 000 so‘mga sotildi. Ushbu ko‘rsatkich birjaning mazkur elektron savdo tizimi ishga tushirilgan paytdan buyon avtoraqamning eng maksimal bahosi hisoblanadi.
Mazkur 1-toifadagi avtoraqam yuridik shaxsga mo‘ljallangan bo‘lib, uning boshlang‘ich narxi 297 000 000 so‘mni tashkil qilgan. Bir yarim soat mobaynida davom etgan onlayn-savdolar davomida ikkita talabgor ishtirok etib, ular tomonidan 49 ta narx takliflari kelib tushgan. Buning natijasida avtoraqamning boshlang‘ich bahosi uch marotabaga o‘sdi.
Endilikda, auksion g‘olibi tomonidan xarid qilingan mazkur avtoraqam bo‘yicha barcha to‘lovlarni 5 ish kuni davomida amalga oshirilishi va 30 kalendar kuni davomida uni Toshkent shahar IIB YHXBda rasmiylashtirilishi talab etiladi.
Eslatib o‘tamiz, O‘zbekiston Respublikasi Vazirlar Mahkamasining 2017 yil 31 avgustdagi 683-son qaroriga muvofiq avtoraqamlarni onlayn-auksionlarda sotilishidan kelib tushgan mablag‘larning 80% O‘zbekiston Respublikasi Davlat byudjetiga, 20% – O‘zbekiston Respublikasi Ichki ishlar vazirligining Maxsus jamg‘armasiga yo‘naltiriladi.
Manbaa: "O'zRTXB" AJ PR bo'limi
Boshqa yangiliklar:
- Birjada 2024-yil 1-chorak yakunlariga bag‘ishlangan matbuot anjumani bo‘lib o‘tdi
- UZEX haftalik dayjesti (6 – 12 – may)
- UZEX haftalik dayjesti (29 – aprel – 5 – may)
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi