bayroqlar O'zbek bayroqlar Ўзбек bayroqlar Русский bayroqlar English
Parolni unutdingizmi?
Ro'yxatdan o'tish
bayroqlar O'zbek bayroqlar Ўзбек bayroqlar Русский bayroqlar English

Birja Savdo sanoat palatasi xodimlari uchun o‘quv seminarlarini boshladi

23 05/2022
Ko‘rildi: 4182
Ulashish:
Yangiliklar
23 05/2022
Chop etish

17-may kuni O‘zbekiston Respublikasi Prezidentining O‘zbekiston respublika tovar-xom ashyo birjasida savdolarni ko‘paytirish, mahalliy korxonalar ishtirokini kengaytirishga bag‘ishlangan yig‘ilishi o‘tkazildi.
 
Majlisda ta’kidlanganidek, birja savdolari erkin raqobatni shakllantiradi, tadbirkorlarga yangi bozorlarni ochadi, «yashirin iqtisodiyot» va korrupsiyani keskin kamaytiradi.
 
Shu bois, birjada o‘z mahsulotini olib chiqadigan mahalliy tadbirkorlar sonini kamida 2 baravarga, mahsulotlar turini esa 5 baravarga oshirish bo‘yicha vazifalari belgilandi.
Xususan, mahalliy mahsulotlarni birjaga olib chiqish tuman darajasiga tushirish bo‘yicha yangi tizim yaratiladi. Buning uchun O‘zbekiston Savdo sanoat palatasi bilan birgalikda birjaning qo‘shimcha savdo maydonchalari ochiladi.
 
Tumanlardagi mahalliy tadbirkor va fermerlar birjaning mana shu savdo maydonchalari orqali ro‘yxatdan o‘tkaziladi, ularga brokerlar biriktiriladi va ularning mahsulotlari hech qanday cheklovlarsiz ochiq birja savdolariga qo‘yladi va ular orqali sotiladi.
 
Shu munosabat bilan, tumanlarda savdo maydonchalarini ochish va ularning xodimlarining o‘qitish maqsadida O‘zbekiston respublika tovar-xom ashyo birjasi Savdo sanoat palatasi bo‘linmalarining xodimlari uchun maxsus o‘quv seminarlarini o‘tkazishi boshladi. Bir hafta davomida Savdo sanoat palatasining 200 dan ziyod xodimlarini o‘qitish rejalashtirilgan.
Seminarlarning o‘quv dasturi birja faoliyatining huquqiy asoslari, birja savdolari va kliring qoidalari, birja komissiyalari, brokerlik faoliyati va tashqi savdo operatsiyalari kabi mavzulardan iborat.
 
Tadbirlar ishtirokchilariga mijozlarni birjada ro‘yxatdan o‘tkazish, ularga brokerlik xizmatlarini ko‘rsatish va mahsulotlarni birja savdolari orqali sotish tartiblari o‘rgatilmoqda va ular uchun amaliy mashg‘ulotlar o‘tkazilmoqda.
Seminarlar davomida mavzularni tinglovchilar tomonidan yetarli darajada o‘zlashtirilishi hamda ularni savdo maydonchalar va brokerlik idoralarini ochish talablariga muvofiqligini aniqlash maqsadida oraliq va yakuniy test sinovlari ham o‘tkazilmoqda.
 
O‘tkazilgan test sinovlari natijalariga ko‘ra o‘quv seminalarini muvaffaqiyatli yakunlanganlarga birjaning savdo maydonchasi akkreditatsiyadan o‘tganligi to‘g‘risida sertifikatlar topshirilmoqda.
 
Ya’ni ayni paytda O‘zbekiston respublika tovar-xom ashyo birjasining 300 dan ziyod savdo maydonchalari respublikamizning deyarli barcha tumanlarida o‘z faoliyatini yuritayotgan bo‘lsa, mazkur seminalardan so‘ng ularning soni sezilarli darajada ko‘payadi va fermerlarni qamrab olish imkoniyati yanada kengayadi.
Bir vaqtning o‘zida, g‘allachilik sohasida kutilayotgan yangiliklarning mazmun-mohiyati hamda birja savdolarida ishtirok etish tartibini tushuntirish maqsadida respublikamizning barcha hududlarida O‘zbekiston respublika tovar-xom ashyo birjasi tomonidan fermer va klasterlar uchun maxsus uyushtirilayotgan o‘quv seminarlari ham davom etmoqda.
 
Shuning bilan birgalikda birja savdo maydonchalari orqali fermer va klasterlarni akkreditatsiyadan o‘tkazish jarayonlari ham amalga oshirilmoqda.

Manba: Ommaviy kommunikatsiyalar va tashqi iqtisodiy faoliyat bo‘limi

Boshqa yangiliklar: