“O‘zbekiston respublika tovar-xom ashyo birjasi” AJ tomonidan “Yashil makon” umummilliy dasturi doirasida daraxt va ko‘chat ekish aksiyasida faol ishtirok etish davom ettirilmoqda.

Xususan, joriy yilning 18-noyabr kuni Zangiota tumani Sergeli-Nurafshon yo‘l bo‘yidagi “Xumoyun-Charvo” MCHJga qarashli meva bog‘i hududida ko‘kalamzorlashtirish va obodonlashtirish ishlari olib borildi, 2000 dona terak ko‘chatlarini ekish tadbiri o‘tkazildi.

Daraxt ko‘chatlari ekishga O‘zbekiston respublika tovar-xom ashyo birjasining markaziy apparat va Toshkent filial rahbarlari va xodimlari o‘z munosib hissalarini qo‘shdilar.

O‘zbekiston respublika tovar-xom ashyo birjasi Qoraqalpog‘iston Respublikasi va viloyatlarda aniqlangan ekish maydonlarida har bir hududning iqlim sharoitidan kelib chiqqan holda manzarali va mevali ko‘chatlarni ekish savobli tadbirlarini davom ettiradi.

Manba: Ommaviy kommunikatsiyalar va tashqi iqtisodiy faoliyat bo‘limi