2023-yil 26-sentabrda O‘zbekiston respublika tovar-xom ashyo birjasida O‘zbekiston Respublikasi Prezidentining 2023-yil 11-sentabrdagi 158-PF farmoni bilan tasdiqlangan “O‘zbekiston–2030” strategiyasiga bag‘ishlangan o‘quv seminari o‘tkazildi.

Tadbirda birjaning markaziy apparat va hududdiy filiallar xodimlari to‘g‘ridan-to‘g‘ri va onlayn tarzda ishtirok etdilar.

 

Seminar davomida O‘zbekiston respublika tovar-xom ashyo birjasi xodimlariga “O‘zbekiston-2030” strategiyasining maqsadi, yo‘nalishlari va belgilangan vazifalarga erishish bo‘yicha chora-tadbirlar tushuntirildi.

Ta’kidlanganidek, “O‘zbekiston-2030” strategiyasining asosiy maqsadlari aholi turmush darajasini oshirish hamda mamlakatimizni daromadi o‘rtachadan yuqori bo’lgan davlatlar qatoriga kiritish va aholi jon boshiga to‘g‘ri keladigan Yalpi Ichki Mahsulot ko‘rsatkichini 4 ming AQSh dollariga yetkazishdan iboratdir.

Strategiyada belgilangan vazifalarga erishish uchun jami 252,2 mlrd AQSh dollari ajratilishi ko‘zda tutilgan. Strategiyani amalga oshirish vazifasi Respublika komissiyasiga hamda uning bajarilishini monitoring qilishda Hisob palatasi, “Taraqqiyot strategiyasi” markazi va “Yuksalish” umummilliy harakati mas’ul etib belgilangan.

Seminar yakunida mavzu doirasida birja xodimlari orasida fikr almashinuvi bo‘lib o‘tdi. Shu kabi seminarlar kelgusida ham davom ettiriladi hamda strategiyaga doir ma’lumotlar yuzasidan onlayn test viktorinalarini o‘tkazish ko‘zda tutilgan.

 

Manba: Ommaviy kommunikatsiyalar va tashqi iqtisodiy faoliyat bo‘limi