O'zbek
Ўзбек
Русский
English
Xitoy kompaniyasi vakillari birjaga tashrif buyurishdi
Joriy yil 18-sentabr kuni O‘zbekiston respublika tovar xom-ashyo birjasining Xitoydagi savdo maydonchasi Xinjiang Asia – Europe International Material Trade Center Co., LTD kompaniyasi vakillari birjaning markaziy ofisiga tashrif buyurdilar.
Tashrifdan ko‘zlangan asosiy maqsad O‘zbekiston respublika tovar xom-ashyo birjasining elektron savdo tizimlari bilan yaqindan tanishishdan iborat bo‘ldi.
Tashrif davomida O‘zbekiston respublika tovar xom-ashyo birjasining davlat xaridlari bo‘yicha xarid.uzex.uz va etender.uzex.uz savdo tizimlarining taqdimoti o‘tkazildi.
Xususan, Xitoy kompaniyasi vakillariga elektron davlat xaridlari savdo mexanizmi, shu jumladan onlayn auksion va do‘kon hamda elektron tenderda yetkazib beruvchi sifatida ishtirok etish tartiblari batafsil tushuntirildi.
Shuningdek, mehmonlarga shaxsiy kabinetidan foydalanish, bitimlarni tuzish va tuzilgan shartnomalar bo‘yicha to‘lovlarni amalga oshirish masalalari yuzasidan amaliy maslahatlar berildi.
Uchrashuv yakunida Xitoy kompaniyasi vakillari birja mutaxassislariga minnatdorchilik bildirib, o‘zaro manfaatli hamkorlikni davom ettirishdan manfaatdor ekanligini maʼlum qildilar.
Manba: Ommaviy kommunikatsiyalar va tashqi iqtisodiy faoliyat bo‘limi
Boshqa yangiliklar:
- Afg‘onistonda O‘zbekiston respublika tovar-xom ashyo birjasi tarmog‘i kengaymoqda
- UZEX haftalik dayjesti (24-30-noyabr)
- Hududlarda davlat xaridlari bo‘yicha tadbirkorlar uchun seminarlar o‘tkazildi
- Afg‘onistonda birjaning savdo maydonchasi ochildi
- UZEX haftalik dayjesti (17-23-noyabr)
- Elektron davlat xaridlari bo‘yicha yangi servislar joriy qilindi