Ikkinchi savdo kunida unning birjadagi narxi pasaydi
Joriy yil 2-iyunda O‘zbekiston respublika tovar-xom ashyo birjasida un mahsuloti bo‘yicha ochiq birja savdolarining ikkinchi kuni o‘tkazildi.
O‘tkazilgan savdo natijalariga ko‘ra birjaning un bozori narx bo‘yicha kichik pasayishni namoyon etdi. Xususan 1-navli unning birjadagi narxi avvalgi kunga nisbatan mahsulotning bir tonnasi uchun 4 497,8 ming so‘mdan 4 475,1 ming so‘mgacha pasaydi.
Sotuvchi korxonalar tomonidan birja savdolariga 10,0 ming tonna 1-navli un qo‘yildi va ulardan 9,4 ming tonnasi, ya’ni 94% sotildi. Birja savdolarida sotilmagan qoldiq unning hajmi 611 tonnani tashkil etdi.
Shu bilan birga, un bo‘yicha o‘tkazilgan birja savdolarida ishtirok etgan xaridorlarning soni 2 822 tadan 3 441 ta ishtirokchigacha ko‘paydi. Shu jumladan 44 ta Toshken non ishlab chiqaruvchi korxonalar birja savdolarida jami 721 tonna 1-navli un sotib olishdi.
Manbaa: "O'zRTXB" AJ PR bo'limi