Davlat xaridlari tizimiga kiritilayotgan qator o‘zgarishlarning navbatdagisi bilan tanishtirishda davom etamiz. Mazkur o‘zgarishlar davlat xaridlarida ishtirok etayotgan buyurtmachi va ishtirokchilarga qo‘shimcha qulayliklar yaratish maqsadida amalga oshirilmoqda.

Endilikda yirik soliq to‘lovchilar toifasidagi jamiyatlarning tarkibidagi filiallar yuridik maqomi mavjud bo‘lmagan taqdirda ham davlat xaridlarini (xarid.uzex.uz va etender.uzex.uz) amalga oshirish imkoniyatiga ega bo‘ldilar.

Bunda, davlat xaridlari elektron tizimida buyurtmachi tomonidan tarkibiy filiallarini qo‘shish va ularga tegishli ruxsatlar berish orqali nazorat funksiyalaridan foydalangan holda xaridlarni tashkillashtirish imkoniyati mavjud.

Bunda, buyurtmachi o‘z tarkibiy filiallarini davlat xaridlari elektron tizimiga qo‘shishi va ularga tegishli ruxsat berishi kerak bo‘ladi. Buning uchun buyurtmachi xarid.uzex.uz elektron tizimidagi shaxsiy kabinetiga kirib, “Sozlamalar” bo‘limidagi “Filial” qatoriga filial ma’lumotlarini kiritadi.

So‘ng, “Menejerlar” bo‘limi orqali “Menejerni qo‘shing” bo‘limiga filial nomidan ish yurituvchi shaxs, ya’ni buyurtmachi nomidan elektron raqamli imzo orqali xaridlarni amalga oshiradigan mas’ul xodim qo‘shiladi.

Endilikda etender.uzex.uz elektron savdo tizimida davlat buyurtmachisi e’lon joylashtirish vaqtida “Tovarlar va buyumlar” bo‘limida QQS to‘g‘risida ma’lumotlarni ko‘rsatish imkoniga ega. Natijada ishtirokchilar QQS haqida ma’lumotga ega bo‘lgan holda o‘z takliflarini berishlari mumkin.

Yana bir yangiliklardan biri – budjet tizimi budjetlarining kapital qo‘yilmalari hisobidan ob’ektlarni qurish, rekonstruksiya qilish va mukammal ta’mirlash ishlarining manzilli ro‘yxatlarini ishlab chiqish, kelishish va tasdiqlashning maxsus avtomatlashtirilgan elektron tizimi yaratildi. Bunda, budjet buyurtmachilar manzilli ro‘yxatni tegishli tashkilotlar bilan tasdiqlash va kelishishni elektron tizim orqali amalga oshirib boradi.

Manbaa: "O'zRTXB" AJ PR bo'limi