Birja aʼzolari uchun seminar bo‘lib o‘tdi
2023-yil 14-noyabr kuni “O‘zbekiston respublika tovar-xom ashyo birjasi” AJ O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti va Raqobatni rivojlantirish va isteʼmolchilar huquqlarini himoya qilish Qo‘mitasi bilan birgalikda birjaning markaziy binosida birja aʼzolari uchun o‘quv-amaliy seminar tashkillashtirdi.
Seminarda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti xodimi M. Sultonov hamda Raqobatni rivojlantirish va isteʼmolchilar huquqlarini himoya qilish qo‘mitasi xodimi J. Ibragimov o‘z maʼruzalari bilan nutq so‘zladilar.
Seminar davomida tadbir ishtirokchilariga jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida qo‘llaniladigan qonun hujjatlari, ichki nazoratning maqsad va vazifalari, ichki nazoratni tashkil etish tartibi to‘g‘risida batafsil maʼlumotlar berildi.
Mavzu doirasida, shuningdek, jinoiy faoliyatdan olingan daromadlarni legallashtirish, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida Departament tomonidan ishlab chiqilgan platforma orqali shubhali operatsiyalar haqida xabarlarni yuborish bo‘yicha amaliy tavsiyalar berildi.
Seminar ishtirokchilari jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida o‘zlarining qiziqtirgan savollariga javob oldilar.
Manbaa: "O'zRTXB" AJ PR bo'limi
Boshqa yangiliklar:
- Birja faoliyatining 2024-yil 9 oylik yakunlari bo‘yicha matbuot anjumani o‘tkazildi
- UZEX haftalik dayjesti (21-27-oktabr)
- Hududlarda elektron tijorat va davlat xaridlari bo‘yicha o‘quv seminarlari o‘tkazilmoqda
- Hududlarda yangi birja vositalari bo‘yicha o‘quv seminarlari bo‘lib o‘tmoqda
- Farg‘onada ommaviy tadbirlar o‘tkazildi
- UZEX haftalik dayjesti (14-20-oktabr)