Qirg‘iziston Respublikasida O‘zbekiston respublika tovar-xom ashyo birjasi (UZEX) delegatsiyasining tashrifi doirasida Envoys Vision Digital Exchange (EVDE) rahbariyati bilan uchrashuv bo‘lib o‘tdi.

Muzokaralar davomida tomonlar zamonaviy birja infratuzilmasini rivojlantirish, raqamli texnologiyalarni joriy etish hamda transchegaraviy elektron tijorat sohasidagi hamkorlik istiqbollarini muhokama qildi.

Envoys Vision Digital Exchange (EVDE) – Qirg‘iziston Respublikasida faoliyat yurituvchi zamonaviy raqamli birja platformasi bo‘lib, u elektron savdo jarayonlarini tashkil etish, savdo operatsiyalarini avtomatlashtirish hamda ishtirokchilar uchun qulay va shaffof savdo muhitini yaratishga ixtisoslashgan. Birja ilg‘or texnologiyalar asosida ishlaydi va mintaqaviy hamda xalqaro savdo aloqalarini rivojlantirishga qaratilgan.

Manba: Ommaviy kommunikatsiyalar va tashqi iqtisodiy faoliyat bo‘limi