Davlat xaridlari tizimida komplayens nazorat xizmati joriy etildi
![](https://old.uzex.uz/files/news/temp/compliance-control-service-introduced-in-the-public-procurement-system_440.jpg)
O‘zbekiston respublika tovar-xom ashyo birjasining xarid.uzex.uz davlat xaridlari elektron tizimida davlat buyurtmachisi uchun korrupsiyaga qarshi ichki nazorat “komplayens” vakilini qo‘shish imkoni yaratildi.
Buning uchun, davlat buyurtmachisi shaxsiy kabinetining “Sozlamalar” qismida “Komplayens” bo‘limi orqali masʼul xodim haqida to‘liq maʼlumotlarni kiritgan holda “rol” qo‘shadi.
O‘z navbatida, davlat buyurtmachisi tomonidan qo‘shilgan komplayens bo‘limining masʼul xodimi o‘ziga tegishli elektron raqamli imzo (ERI) kalitidan foydalangan holda xarid.uzex.uz tizimidagi “Hisobotlar” bo‘limi orqali davlat buyurtmachisining barcha xarid turlari bo‘yicha maʼlumotlarni yuklab olish va ularni o‘z vaqtida nazorat qilish imkoniyatidan foydalanadi.
Mazkur xizmatning joriy etilishi davlat buyurtmachilari uchun qo‘shimcha qulaylik yaratib, tashkilotlarda faoliyat yuritayotgan korrupsiyaga qarshi ichki nazorat faoliyatini samaradorligini oshiradi, xaridlarning ochiqligi va shaffofligini taʼminlash ustidan nazorat o‘rnatishni kuchaytiradi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (5-11-avgust)
- Davlat xaridlari bo‘yicha birjaning yangi xizmati ishga tushirildi
- UZEX haftalik dayjesti (29-iyul – 4-avgust)
- Birjada 2024-yil 1-yarim yil yakunlariga bag‘ishlangan matbuot anjumani bo‘lib o‘tdi
- UZEX haftalik dayjesti (22-28-iyul)
- Navoiyda birja faoliyati bo‘yicha media-trening o‘tkazildi