Davlat xaridlari mavzusida seminar o‘tkazildi
2024-yil 17-yanvar kuni Iqtisodiyot va moliya vazirligi huzuridagi O‘quv markazi binosida “Davlat xaridlarida yuzaga kelayotgan muammolar va ularni bartaraf etish” mavzusida davra suhbati bo‘lib o‘tdi.
Davra suhbatida O‘zbekiston respublika tovar-xom ashyo birjasi, davlat buyurtmachilari, davlat xaridlari elektron tizimining operatorlari va “Loyihalar va import kontraktlarini kompleks ekspertiza qilish markazi” DUK vakillari ishtirok etdi.
Tadbir doirasida O‘zbekiston respublika tovar-xom ashyo birjasi mutaxassislari 2023-yilda хarid.uzex.uz savdo platformasida davlat buyurtmachilari va xarid ishtirokchilari uchun joriy qilingan qulayliklar hamda 2024-yilda amalga oshirilishi rejalashtirilgan ishlar bo‘yicha taqdimot o‘tkazishdi.
Seminar davomida davlat xaridlari sohasida ishlab chiqilayotgan yangi meʼyoriy-huquqiy hujjatlarning loyihasi, davlat xaridlari tizimini yana-da takomillashtirish masalalari keng muhokama qilindi.
Xususan, davlat buyurtmachilari tomonidan davlat xaridlari tizimida ortiqcha to‘siqlar va cheklovlarni bartaraf etish hamda sohaga ilg‘or xalqaro amaliyotni joriy qilish bo‘yicha takliflari kiritildi.
Seminar ishtirokchilari birja mutaxassislaridan o‘zlarini qiziqtirgan savollariga javob oldilar.
Manbaa: "O'zRTXB" AJ PR bo'limi
Boshqa yangiliklar:
- Birjada 2024-yil 1-chorak yakunlariga bag‘ishlangan matbuot anjumani bo‘lib o‘tdi
- UZEX haftalik dayjesti (6 – 12 – may)
- UZEX haftalik dayjesti (29 – aprel – 5 – may)
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi