Davlat xaridlari tizimida navbatdagi o‘zgarish joriy etildi
Iqtisodiyot va moliya vazirligi G‘aznachiligi tomonidan xizmat ko‘rsatiladigan taʼsischisi byudjet tashkilotlari bo‘lgan unitar korxonalar elektron davlat xaridlarida korporativ buyurtmachi sifatida ishtirok etish imkoniga ega bo‘ldi.
Endilikda, taʼsischisi byudjet tashkilotlari bo‘lgan davlat korxonalari birjaning davlat xaridlari bo‘yicha xarid.uzex.uz savdo tizimida elektron raqamli imzo (ERI) orqali “Korporativ buyurtmachi” turini tanlagan holda xaridlarni amalga oshiradi.
Bunda, mazkur davlat korxonalari davlat xaridlarini amalga oshirish uchun reja-jadvalni to‘ldirish mobaynida Iqtisodiyot va moliya vazirligining G‘aznachiligi tomonidan biriktirilgan hisobvaraqni tanlaydi va mazkur hisobvaraq orqali xaridlarni amalga oshiradi.
Shu bilan birga, taʼsischisi byudjet tashkilotlari bo‘lgan davlat korxonalari eng yaxshi takliflarni tanlash va tender savdolarida g‘olib bo‘lgan ishtirokchiga shartnoma bilan birgalikda “To‘lov jadvali”ni qo‘shib yuboradi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (23-29-sentabr)
- O‘zbekiston respublika tovar-xom ashyo birjasi aksiyalarining “Xalqchil IPO” si boshlandi
- Birja xodimlari uchun seminar o‘tkazildi
- Surxondaryoda birja faoliyati bo‘yicha media-trening o‘tkazildi
- Birja aʼzolari uchun seminar o‘tkazildi
- UZEX haftalik dayjesti (16 - 22 - sentabr)