Bugun, 21-oktabr – O‘zbek tiliga davlat tili maqomi berilgan kunda poytaxtimizdagi O‘zbekiston Milliy bog‘ida buyuk shoir va mutafakkir, ona tilimizning jonkuyari, hazrat Alisher Navoiy haykali poyiga keng jamoatchilik vakillari, adabiyot shaydolari, talaba-yoshlar, ijodkor ziyolilar to‘plandi.

“O‘zbekiston respublika tovar-xom ashyo birjasi” AJ Boshqaruv raisining maʼnaviy-maʼrifiy ishlar bo‘yicha maslahatchisi Mashhura Haqberdiyeva  boshchiligidagi bir guruh hamkasblarimiz Adiblar xiyoboniga tashrif buyurib, ona tilimizga yuksak hurmat ramzi sifatida Alisher Navoiy haykali poyiga gulchambar qo‘ydilar.

Shu kuni “O‘zbekiston respublikatovar- xom ashyo birjasi” AJ da O‘zbek tili bayramiga atab tadbir o‘tkazildi. Tadbirda xodimlar tashabbus ko‘rsatib, milliy kiyimlarda ishtirok etishdi. Ekranda ona tilimiz mavzusidagi tasvirlar namoyish etildi. Tadbir davomida ishtirokchilar guruhlarga bo‘linib, ona tilimizga, dunyo tillariga, tarixga doir savollarga javob topish bo‘yicha musobaqalashdilar. Musobaqada to‘rtta guruh ishtirok etdi va Alisher Navoiy nomli guruh g‘olib deb topildi.

Manbaa: "O'zRTXB" AJ PR bo'limi