Davlat xaridlarida ishtirok etayotgan korporativ buyurtmachilarga qo‘shimcha qulayliklar yaratish maqsadida davlat xaridlari tizimini takomillashtirish ishlari davom ettirilmoqda.

O‘zbekiston Respublikasi Vazirlar Mahkamasining Rayosat majlisining bayoni doirasida O‘zbekiston Respublikasi Moliya vazirligi tomonidan elektron do‘kon va auksion savdolarida ayrim korporativ buyurtmachilarining moliyaviy holati bo‘yicha xatarlar darajasi reyestri ishlab chiqildi.

Mazkur reyestrga kiritilgan korporativ buyurtmachilarga uchun xarid qilish tartib-taomilining elektron do‘kon va auksion savdolarida to‘lov miqdori differensial tarzda qo‘llaniladi.

Bunda, moliyaviy xatar darajasi past – 0 foiz, o‘rta – 15 foiz, yuqori – 50 foiz hamda o‘ta yuqori – 100 foizli shartlar asosida oldindan to‘lanadigan to‘lov miqdorlarini differensial tarzda amalga oshirish mumkin.

Ya’ni, savdo natijasida shartnoma tuzilgan paytdan boshlab, 10 ish kuni ichida buyurtmachi tomonidan moliyaviy xatar darajasidan kelib chiqib differensial tarzda belgilangan to‘lov miqdori o‘tkaziladi va tuzilgan shartnoma bo‘yicha to‘lovlarni qolgan hajmi, tovarlarni (ishlarni, xizmatlarni) to‘liq qabul qilgandan so‘ng 3 ish kuni ichida o‘tkaziladi.

Manba: Ommaviy kommunikatsiyalar va tashqi iqtisodiy faoliyat bo‘limi