Birjada Mustaqillik bayramiga bag‘ishlangan tantanali tadbir bo‘lib o‘tdi
2025-yilning 29-avgustida O‘zbekiston respublika tovar-xom ashyo birjasining markaziy binosida O‘zbekiston Respublikasi mustaqilligining 34-yilligiga bag‘ishlangan tantanali marosim bo‘lib o‘tdi.

O‘tkazilgan bayram tadbirida birjaning markaziy apparati xodimlari bilan birga tashkilotning hududiy filiallari rahbarlari va mutaxassislari videokonferensaloqa tizimi orqali ishtirok etdilar.

Tantanali tadbirda O‘zbekiston respublika tovar-xom ashyo birjasining Boshqaruv raisi Asadulla Qayumov mustaqillik yillarida mamlakatimizda erishilgan yutuqlar, shu jumladan iqtisodiyotimizning bozor munosabatlariga o‘tishi va tarmoqlarning rivojlanishida birjaning tutgan o‘rni hamda sohada amalga oshirilgan islohotlar va istiqboldagi rejalar haqida so‘z yuritdi hamda barcha xodimlarga Mustaqillik bayrami tabrigini yo‘lladi.


Shu munosabat bilan, birja tizimidagi fidokorona va samarali mehnati hamda yuksak kasbiy mahorati uchun bir guruh xodimlari birja rahbariyati tomonidan tashakkurnoma bilan taqdirlandilar.


Marosim yakunida barchaga tinchlik, farovonlik va yurt ravnaqi yo‘lidagi saʼy-harakatlarida omad tilaklari bildirildi.


Manba: Ommaviy kommunikatsiyalar va tashqi iqtisodiy faoliyat bo‘limi
Boshqa yangiliklar:
- Afg‘onistonda O‘zbekiston respublika tovar-xom ashyo birjasi tarmog‘i kengaymoqda
- UZEX haftalik dayjesti (24-30-noyabr)
- Hududlarda davlat xaridlari bo‘yicha tadbirkorlar uchun seminarlar o‘tkazildi
- Afg‘onistonda birjaning savdo maydonchasi ochildi
- UZEX haftalik dayjesti (17-23-noyabr)
- Elektron davlat xaridlari bo‘yicha yangi servislar joriy qilindi