2023-yil 14-noyabr kuni “O‘zbekiston respublika tovar-xom ashyo birjasi” AJ O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti va Raqobatni rivojlantirish va isteʼmolchilar huquqlarini himoya qilish Qo‘mitasi bilan birgalikda birjaning markaziy binosida birja aʼzolari uchun o‘quv-amaliy seminar tashkillashtirdi. Seminarda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish Departamenti xodimi M. Sultonov hamda Raqobatni rivojlantirish va isteʼmolchilar huquqlarini himoya qilish qo‘mitasi xodimi J. Ibragimov o‘z maʼruzalari bilan nutq so‘zladilar. Seminar davomida tadbir ishtirokchilariga jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida qo‘llaniladigan qonun hujjatlari, ichki nazoratning maqsad va vazifalari, ichki nazoratni tashkil etish tartibi to‘g‘risida batafsil maʼlumotlar berildi. Mavzu doirasida, shuningdek, jinoiy faoliyatdan olingan daromadlarni legallashtirish, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida Departament tomonidan ishlab chiqilgan platforma orqali shubhali operatsiyalar haqida xabarlarni yuborish bo‘yicha amaliy tavsiyalar berildi. Seminar ishtirokchilari jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida o‘zlarining qiziqtirgan savollariga javob oldilar.

O‘tgan hafta davomida, yaʼni 6-12-noyabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 586,8 mlrd so‘mlik tovarlar sotilgan bo‘lib, bu avvalgi haftaga nisbatan 13,1% ga kamdir. Bunda tuzilgan bitimlarning qariyb 80,9% birja savdolariga, qolgan 19,1% qismi esa elektron tijorat savdo tizimlariga to‘g‘ri keldi.

O‘tgan hafta davomida, yaʼni 30-oktabr - 5-noyabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 975,9 mlrd so‘mlik tovarlar sotilgan bo‘lib, bu avvalgi haftaga nisbatan 9,9% ga ko‘pdir. Bunda tuzilgan bitimlarning qariyb 80,9% birja savdolariga, qolgan 19,1% qismi esa elektron tijorat savdo tizimlariga to‘g‘ri keldi. Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 536,2 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 141,2 mlrd so‘mlik mablag‘lari tejaldi. Ko‘rib chiqilayotgan davr mobaynida onlayn auksion orqali 1 616 ta avtoraqamlar sotildi, sotilgan davlat raqam belgilarining umumiy summasi 8,3 mlrd so‘mni tashkil qildi.

2023 yilning 23-25 oktyabr kunlari Mo‘g‘uliston tovar birjasi (MCE) delegatsiyasi O‘zbekiston respublika tovar-xom ashyo birjasiga Ijrochi direktori Batsayxan Send boshchiligida amaliy tashrif uyushtirdi.

O‘tgan hafta davomida, yaʼni 16 - 22-oktabr kunlari “O‘zbekiston respublika tovar-xom ashyo birjasi” AJning barcha savdo platformalarida 3 196,6 mlrd so‘mlik tovarlar sotilgan bo‘lib, bu avvalgi haftaga nisbatan 17,5% ga ko‘pdir. Bunda tuzilgan bitimlarning qariyb 66,8% birja savdolariga, qolgan 33,2% qismi esa elektron tijorat savdo tizimlariga to‘g‘ri keldi.

O‘zbekiston respublika tovar-xom ashyo birjasi mijozlarga qo‘shimcha qulayliklar yaratish maqsadida avtoraqam.uzex.uz elektron savdo tizimida “avtobid” yangi xizmat turini test rejimida joriy etdi.