O‘zbekiston respublika tovar-xom ashyo birjasi yangilangan new-xarid.uzex.uz elektron savdo platformasini ishga tushirdi. Yangilangan tizim davlat xaridlarini yana-da tezkor, shaffof va qulay tarzda amalga oshirish imkonini beradi.

Zamonaviy IT yechimlar asosida yaratilgan tizim yuqori tezlik, kuchli axborot xavfsizligi va soddalashtirilgan interfeys bilan ajralib turadi. Intuitiv boshqaruv va qulay navigatsiya esa buyurtmachi hamda yetkazib beruvchilar uchun yangi imkoniyatlar ochadi.

Davlat xaridlarining new-xarid.uzex.uz elektron tizimida savdo turlari bo‘yicha qidiruv tizimi takomillashtirildi, tovar va xizmatlar bo‘yicha narxlar tahlilini amalga oshirish hamda foydalanuvchilarning savollariga real vaqt rejimida javob taqdim etuvchi sunʼiy intellekt texnologiyalari joriy etilgan.

Yangilangan “Xarid” orqali davlat xaridlari jarayonlarini samarali boshqarish, ishtirokchilar o‘rtasida ochiq raqobat muhitini kengaytirish va inson omilini minimallashtirishga alohida eʼtibor qaratilgan.

UZEX Xarid – davlat xaridlarida sizning ishonchli va samarali hamkoringiz!

Eslatib o‘tamiz, avvalroq UZEX tomonidan davlat xaridlari tizimida inson omilini yanada qisqartirishga qaratilgan yangi yechimlar joriy etilgani to‘g‘risida maʼlum qilingan edi.

Manba: Ommaviy kommunikatsiyalar va tashqi iqtisodiy faoliyat bo‘limi