UZEX va O‘zbekiston davlat xaridlari ishtirokchilari uyushmasi o‘rtasida hamkorlik bitimi imzolandi
Prezident Shavkat Mirziyoyev rahbarligida mamlakatimizda tadbirkorlikni qo‘llab-quvvatlash, raqamlashtirish, ochiqlik va raqobat muhitini rivojlantirishga alohida e’tibor qaratilmoqda. Bu yo‘nalishlar “O‘zbekiston — 2030” strategiyasi hamda Besh muhim tashabbusda belgilangan raqamli ko‘nikmalarni rivojlantirish vazifalari bilan hamohangdir.
Shu maqsadlar doirasida 2026-yil 6-oktabr kuni “O‘zbekiston respublika tovar-xom ashyo birjasi” AJ va O‘zbekiston davlat xaridlari ishtirokchilari uyushmasi o‘rtasida hamkorlik bitimi imzolandi.
Bitim davlat va korporativ xaridlarda ochiqlik, shaffoflik va halol raqobatni rivojlantirish, tadbirkorlarning ishtiroki hamda kasbiy, huquqiy va raqamli savodxonligini oshirishga qaratilgan.
Hamkorlik doirasida o‘quv va multimedia materiallari yaratish, elektron savdolarda ishtirok etish ko‘nikmalarini oshirish, ekspert takliflari ishlab chiqish hamda raqamli texnologiyalar va sun’iy intellekt imkoniyatlaridan foydalanish rejalashtirilgan.
Mazkur bitim xaridlar tizimining ochiqligi va samaradorligini oshirish, tadbirkorlar imkoniyatlarini kengaytirish hamda zamonaviy raqamli yechimlarni keng joriy etishga xizmat qiladi.
Manba: Ommaviy kommunikatsiyalar va tashqi iqtisodiy faoliyat bo‘limi
Boshqa yangiliklar:
- UZEX AFM Trends Day 2026 xalqaro forumida iştirok etdi
- UZEX haftalik dayjesti (9-15-noyabr)
- Fitch Ratings Özbekiston respublika tovar-xom aşyo birjasining xalqaro kredit reytingini “B+” darajasiga oşirdi
- Tovar bozorini rivojlantiriş istiqbollari muhokama qilindi
- UZEX haftalik dayjesti (2-8-noyabr)
- UZEX AI Hackathon ğoliblari aniqlandi