Avval xabar qilganimizdek, mobilraqam.uzex.uz elektron savdo platformasida "Buyurtma raqam" xizmati ishga tushirilgan edi. Endilikda ushbu xizmat orqali foydalanuvchilar o'zlari istagan mobil raqamni, hatto u hali elektron savdolarga qo'yilmagan yoki operatorlar ro'yxatida mavjud bo'lmagan taqdirda ham buyurtma qilishlari mumkin.

Mazkur xizmat orqali yuborilgan ilk buyurtma muvaffaqiyatli amalga oshirildi va so'ralgan raqam mobil aloqa operatori tomonidan elektron savdoga chiqarildi.

"Buyurtma raqam" xizmatidan foydalanish qiymati 103 000 so'mni (BHMning 0,25 baravari) tashkil etadi. Buyurtma qabul qilingach, mobil aloqa operatori so'ralgan raqamni elektron savdoga chiqaradi va foydalanuvchi uni ochiq hamda shaffof elektron savdolar orqali qo'lga kiritish imkoniyatiga ega bo'ladi.

Agar siz ham o'zingizga mos, esda qolarli yoki biznesingiz uchun qulay mobil raqamni tanlamoqchi bo'lsangiz, mobilraqam.uzex.uz platformasi orqali buyurtma berishingiz mumkin.

Buyurtma bering – istalgan mobil raqamni ochiq va shaffof elektron savdolar orqali qo'lga kiriting

Mobil ilovani yuklab oling: App Store / Play market

Manba: Ommaviy kommunikatsiyalar va tashqi iqtisodiy faoliyat bo‘limi