Ўзбекистон республика товар-хом ашё биржасининг mobilraqam.uzex.uz савдо тизими орқали харидоргир рақамлар комбинациясига эга бўлган IP телефон рақамлар сотила бошланди.

Мазкур лойиҳа “Ўзбекистон республика товар-хом ашё биржаси” АЖ (UZEX) ва “Ўзбектелеком” АК (Uztelecom) ўртасида 2020 йил 18 декабрда тузилган шартнома (киритилган қўшимчалари билан)га мувофиқ амалга оширилмоқда.

Мазкур лойҳадан кўзланган асосий мақсад харидоргир рақамлар комбинациясига эга бўлган “71” ва “55” кодли IP телефон рақамларни онлайн-аукцион тарзида сотиш орқали улардан фойдаланиш имкониятларини кенгайтиришдан иборатдир.

IP телефон рақамларни сотувга қўйилиши Сотувчи, яъни “Ўзбектелеком” АК (Uztelecom) миллий алоқа оператори томонидан биржанинг ахборот тизимидаги шахсий кабинет орқали амалга оширилади. Аукцион онлайн-режимда шаффофлик тамойиллари асосида бошланғич нархларни кўтарилиш тартибида ўтказилади.

Онлайн-аукционда жисмоний ва юридик шахслар иштирок этишлари мумкин. Бунинг учун улар mobilraqam.uzex.uz веб-сайтида онлайн рўйхатдан ўтишлари ва биржанинг ҳисоб-китоб клиринг палатасидаги шахсий рақамига закалат ва воситачилик йиғими учун керакли маблағларни киритишлари керак.

Онлайн-аукционда иштирок этиш масалалари юзасидан қўшимча маълумот учун, UZEX биржасининг Call-марказига (+71) 207-00-33 телефон рақами ёки @uzexfeedbackbot телеграм боти орқали мурожаат қилишингиз мумкин.

Манбаа: “ЎзРТХБ” АЖ PR бўлими