Tender savdolari bo‘yicha navbatdagi yangilik joriy etildi
O‘zbekiston respublika tovar-xom ashyo birjasining davlat xaridlari bo‘yicha etender.uzex.uz savdo tizimiga ekspertiza xulosasini kiritish jarayoni soddalashtirildi.
Buning uchun O‘zbekiston respublika tovar-xom ashyo birjasi va Loyihalar va import kontraktlarini kompleks ekspertiza qilish markazi o‘rtasida axborot almashinuvi yo‘lga qo‘yildi.
Endilikda davlat buyurtmachisi birjaning etender.uzex.uz savdo tizimiga tender o‘tkazilishi to‘g‘risidagi eʼlonni joylashtirish uchun o‘zining shaxsiy kabinetida “Elektron xulosa olish” usulini tanlash orqali Kompleks ekspertiza qilish markazidan olingan xulosa raqamini kiritishi mumkin.
Bundan avval, rejalashtirilgan tender bo‘yicha berilgan xulosani birjaning etender.uzex.uz savdo tizimiga kiritish uchun uning elektron nusxasini yuklash kerak edi.
Kiritilgan yangilik davlat buyurtmachilar uchun qo‘shimcha qulaylikni yaratib, tenderlar bo‘yicha eʼlonlarni tizimga joylashtirish jarayonini yengillashtiradi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (29 – aprel – 5 – may)
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi
- UZEX haftalik dayjesti (15 - 21-aprel)
- Samarqandda ConFEAS 2024 xalqaro birja anjumani bo‘lib o‘tdi