Hamdardlik bildiramiz

O‘zbekiston respublika tovar-xom ashyo birjasining Qozog‘istondagi vakili va «Alta i K» MCHSH SM-1 sonli birjaning xorijiy savdo maydonchasi rahbari Andreyev Vladislav Ivanovich vafoti munosabati bilan marhumning og‘ir judolikka uchragan oila-aʼzolari va yaqin qarindoshlariga chuqur taʼziya izhor etamiz.

Vladislav Andreyev nafaqat yuqori malakali professional va ishonchli hamkor, balki biz bilan samimiy do‘stona munosabatda bo‘lgan inson edi.

U o‘tgan 7 yil mobaynida O‘zbekiston respublika tovar-xom ashyo birjasi xalqaro aloqalarining rivojlanishi va birja savdolari bo‘yicha huquqiy-meʼyoriy bazani takomillashishiga katta hissa qo‘shdi. Uning O‘zbekiston va Qozog‘iston tadbirkorlari o‘rtasida birja savdosi sohasidagi hamkorlikni rivojlantirishga qo‘shgan hissasi ham yuksak eʼtirofga loyiq.

Hamkorligimiz davomida u jamoamizning samimiy hurmatiga sazovor bo‘ldi va xorijiy hamkorlar orasida katta obro‘-eʼtibor qozondi.

O‘zbekiston respublika tovar-xom ashyo birjasi birja rahbariyati, barcha xodimlari, xorijiy va mahalliy hamkorlari, brokerlik idoralari, savdo maydonchalari va treyderlar nomidan isteʼdodli va yorqin insonni yo‘qotgan marhumning oila-aʼzolari va yaqin qarindoshlariga chuqur taʼziya izhor etib, hamdardlik bildiradi.

Marhumning yaqinlariga sabr-iroda bersin!