"Agro Exchange" MCHJning Qashqadaryo viloyati, Kitob tumanidagi 11,1 gektar tokzor bog‘ uchun shpaller tizimini ornatish bo`yicha eng yaxshi takliflar tanlovini e’lon qiladi.

1. Tanlov ishtirokchilariga qo‘yiladigan talablar:

• Qarzdorlikning mavjud emasligi: Soliq va boshqa majburiy to‘lovlardan muddati o‘tgan qarzdorlik bo‘lmasligi lozim.
• Faoliyat muddati: Korxona tashkil etilganiga kamida 6 oy bo‘lgan bo‘lishi shart.
• Ishonchlilik: Insofsiz ijrochilarning yagona reyestrida mavjud bo‘lmasligi kerak.
• Affillanganlik: Buyurtmachi yoki tanlovning boshqa ishtirokchilari bilan o‘zaro bog‘liq (affillangan) bo‘lmasligi lozim.

2. Ishtirok etish shartlari:

• Tanlovda mahalliy va xorijiy korxonalar ishtirok etishi mumkin.

3.   Texnik vazifa va ishlarni bajarish tartibi: Uzum toklari uchun shpallera tizimi

Tayyorgarlik va burg'ulash ishlari:

• Beton ustunlar o‘rnatiladigan nuqtalarni va armatura qoziqlarining o‘rnini aniq belgilab chiqish.
• Ustunlar uchun yerni ustun diametriga (qalinligiga) mos ravishda 0,50 metr chuqurlikda burg‘ilash (loyihaga ko'ra maksimum 40 sm gacha chuqurlik qabul qilinadi).

Beton ustunlar o‘rnatish:

• Ustunlar orasidagi masofa: 6 metr bo'lishi shart.
• Ustunlarni belgilangan nuqtalarga joylashtirish va qat'iy vertikal holatda o‘rnatish.
• Ustunning yer ustida qoladigan qismi: 2 metr bo'lishi lozim.

Ankerlar tayyorlash va o‘rnatish (parmalash usuli):

• Har bir qatorning oxirida anker o‘rnatilishi shart.
• Qator boshlaridagi armatura qoziqlari uchun o‘rinlarni maxsus texnika yordamida qazdirish.
• Anker tayyorlash: Jami uzunligi 1,2 metr , diametri 20 mm bo'lgan armaturaga 0,6 mm qalinlikdagi listdan yasalgan 25 sm diametrli parma disk payvandlanadi. Shundan so'ng, qoziq tepasidan 10 sm armatura bukiladi (Parma diskli anker tayyorlash).
• Anker o'rnatish: Uchiga parma disk (vint) o‘rnatilgan 1,2 metr uzunlikdagi ankerlarni maxsus texnika yordamida yerga 1 metr chuqurlikka burab o‘rnatish.

Tros va sim tortish ishlari:

•  
• Tros tortish: 6 mm li trosdan yon (bakavoy) shpalerlar uchun taranglagich (tortqi) tayyorlash va xomutlar yordamida armatura qoziqlariga mahkamlash. (Bir oraliqning har bir boshi uchun taxminan 4 metr tros sarflanadi).
• Sim tortish: Bitta qatorda simlar soni jami 4 tani tashkil etadi.
• Tik va qiya beton ustunlarga 2,5 mm qalinlikdagi simni 4 qator tortish va ularni 0,2 mm sim bilan beton ustunlarga mahkam bog‘lash.
• Simlarning balandligi quyidagicha bo'lishi talab etiladi:

 

• 1-sim: yerdan 60 sm balandlikda;
• 2-sim: yerdan 100 sm balandlikda;
• 3-sim: yerdan 140 sm balandlikda;
• 4-sim: yerdan 180 sm balandlikda.

4. To‘lov shartlari: 

• To‘lov shakli: Shartnoma imzolangan kundan boshlab 10 bank kuni ichida 60% oldindan to‘lov.
• Qolgan 40% mablag‘ amalda bajarilgan ishlar hajmiga qarab, taqdim etilgan hisob-fakturalar asosida bosqichma-bosqich to‘lab beriladi.

5. Tijorat takliflarini taqdim etish

• Barcha manfaatdor tashkilotlar o‘z tijorat takliflarini belgilangan muddatda quyidagi manzillardan biri orqali taqdim etishlari mumkin:

• Manzil:
  100007, Toshkent shahri, Bobur ko‘chasi, 77-uy.
• Elektron pochta manzillari:
  zakupki@rtsb.uz
  e.sodiqov@rtsb.uz
• Loyiha tog‘li va qiyalik hududda amalga oshirilishi munosabati bilan hudud koordinatalari, loyiha shartlari va boshqa batafsil ma’lumotlarni olish uchun quyidagi telefon raqamiga murojaat qilishingiz mumkin:
• Tashkiliy masalalar bo‘yicha:
  (+998 71) 207-00-33