“Agro-Exchange” MCHJ  respublikamizning bir necha hududlarida (Shahrisabz, Kitob, Xatirchi va Baxmal tumanlarida) yangi mevali bog‘lar va uzumzorlar barpo etilishi munosabati bilan ixtisoslashgan korxonalar o‘rtasida eng yaxshi takliflar tanlovini e’lon qiladi.

 

1. Tanlov ishtirokchilariga quyidagi talablar belgilanadi:

Soliq va boshqa majburiy to‘lovlardan qarzdorligi mavjud bo‘lmasligi.

Tashkil etilganligiga 6 oydan kam bo‘lmagan bo‘lishi.

Insofsiz ijrochilarning yagona reyestrida mavjud bo‘lmasligi.

 

2. Tanlov predmeti va bajariladigan ishlar hajmi:

Geodeziya xizmatlari doirasida quyidagi ishlar amalga oshirilishi talab etiladi:

Bog‘ va tokzorlar uchun qatorlarni geometrik aniqlikda chizish, har bir ko‘chat o‘rnini qoziqlash, sug‘orish tizimlari (ariq/zavur) uchun qiyalikni (uklon) aniqlash.

Yer maydonining relyefi, balandliklari va mavjud obyektlarining batafsil raqamli xaritasini yaratish. Loyiha oldi o‘rganish ishlari.

Yer maydoni chegaralarini aniqlash hamda tepalik va qiyaliklarda terrasa bosqichlari uchun balandlik nuqtalarini (otmetka) qo‘yib berish.

Ichki yo‘llarni tekislash uchun yer ishlari (kubatura) hajmini hisoblash hamda tarmoqlar (aloqa, elektr, quvur) o'tkazish yo'nalishlarini belgilash.

 

3. Ishtirokchilarga qo‘yiladigan maxsus talablar:

Ish jarayonida zamonaviy texnologiyalardan (santimetrgacha aniqlikdagi sun'iy yo'ldosh navigatsiyasi – GNSS RTK (GPS) tizimlari hamda yuqori texnologik Elektron Taxeometrlar) foydalanishi.

Tog‘li va qiyalik hududlarda, shuningdek qishloq xo'jaligi yerlarini o'zlashtirishda tajribaga ega bo‘lishi.

Geodeziya faoliyati bilan shug'ullanish huquqini beruvchi tegishli ruxsatnoma va hujjatlarga ega boʻlishi.

4. To‘lov shartlari:

Xizmat koʻrsatuvchi tomonidan haqiqatda bajarilgan ishlar bo'yicha dalolatnoma tuzilib, ikki tomonlama imzolanadi.

Dalolatnoma asosida buyurtmachiga elektron hisob-faktura taqdim etiladi.

Toʻlovlar elektron hisob-faktura va bajarilgan ishlar dalolatnomasi tasdiqlangandan so'ng amalga oshiriladi.

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manziliga jo‘natishlarini so‘raymiz.

Loyiha tog‘li va qiyalik hududda amalga oshirilishi munosabati bilan hudud koordinatlari hamda batafsil maʼlumot olish uchun quyidagi telefonlarga murojaat qilishingiz mumkin:

Tashkiliy masalalar bo‘yicha: (+99871) 207-00-33 (ichki raqam 1040 M.Muxamedov va 1402 E.Sodiqov).