“O‘zRTXB” AJning ijro intizomi to‘g‘risida

 

O‘zbekiston Respublikasi Prezidentining 2025 yil 25 iyulda “Davlat organlari va tashkilotlarida ijro intizomini yana-da mustahkamlashning qo‘shimcha chora-tadbirlari to‘g‘risida”gi PF-117-sonli Farmoni tasdiqlandi.

Ushbu Farmonda belgilangan topshiriqlar ijrosini taʼminlash maqsadida 2025 yil 31 iyul kuni “O‘zbekiston respublika tovar-xom ashyo birjasi” AJda Boshqaruvning yig‘ilishi bo‘lib o‘tdi.

O‘zbekiston Respublikasi Vazirlar Mahkamasi hamda O‘zbekiston Respublikasi Adliya Vazirligi bilan hamkorlikda o‘tkazilgan yig‘ilishda Birja xodimlariga Farmonda belgilangan vazifalar yaqindan tanishtirildi.

O‘zbekiston Respublikasi Prezidentining qonunlari, farmon, qaror, farmoyish va topshiriqlari ijrosini nazorat qilishning samarali mexanizmlarini joriy qilish, hududlarda islohotlar natijadorligini o‘rganish va ijro intizomini mustahkamlash ishlarini sifatli tashkil etish, davlat organlari va tashkilotlarda ijroni tashkil etishda birinchi rahbarlarning masʼuliyatini oshirish, hukumat qarorlari ijrosini tashkil etish jarayonlarini raqamlashtirish, ijro intizomini nazorat qilish jarayonlariga sunʼiy intellekt texnologiyalarini joriy qilish belgilangan.

Ijro intizomi bo‘limi xodimlari Hisob palatasi, Vazirlar Mahkamasi hamda Adliya vazirligida reja-jadval asosida har uch yilda bir marotaba malakasini oshirish amaliyoti yo‘lga qo‘yish belgilangan.

Farmonda Qonunchilik hujjatlari va topshiriqlar ijrosini taʼminlashda jamoatchilik nazoratini o‘rnatish maqsadida 2025-yil 1-oktyabrdan boshlab:

a) ijro intizomi to‘g‘risidagi tegishli maʼlumotlarni davlat organlari va tashkilotlar, shuningdek, Adliya vazirligining veb-sahifalariga joylashtirib, har oyda maʼlumotlarni yangilab borish amaliyoti yo‘lga qo‘yish;

b) har chorakda davlat organlari va tashkilotlarning rahbarlari qarorlari, O‘zbekiston Respublikasi Prezidenti va Hukumat hujjatlari ijrosi holati bo‘yicha keng jamoatchilikka hisobot berishi tartibi joriy qilinishi belgilanganligi taʼkidlab o‘tildi.

Ijro muddati uch oy va undan oshadigan topshiriqlarni nazorat qilishda oraliq nazorat mexanizmi joriy etilishi ko‘rsatilgan bo‘lib, bunda masʼul ijrochi topshiriq muddatining teng yarmida amalga oshirilgan ishlar to‘g‘risida oraliq maʼlumotlarni tasdiqlovchi hujjatlar bilan birga “ijro.gov.uz” tizimiga kiritiladi.

a) sunʼiy intellekt texnologiyalaridan keng foydalangan holda “ijro.gov.uz” tizimiga topshiriqlarni kiritishda ularning takroriyligini aniqlash hamda ijro muddati yaqinlashayotgan topshiriqlar to‘g‘risida davlat organlari va tashkilotlarning birinchi rahbarlariga avtomatik ravishda xabarnoma yuborish amaliyoti yo‘lga qo‘yilishi;

b) qonunchilik hujjatlari va topshiriqlar ijrosi bo‘yicha kiritilayotgan maʼlumotlarning haqqoniyligi va asosliligini “ijro.gov.uz” tizimi orqali tekshirish imkoniyatini taʼminlash uchun davlat organlari va tashkilotlarning axborot tizimlari “ijro.gov.uz” tizimiga bosqichma-bosqich interatsiya qilish vazifalari belgilangan.

Shuningdek, O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritildi. Jumladan, O‘zbekiston Respublikasi Prezidentining 2021-yil 10-fevraldagi “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida”gi PF-6166-son Farmoni hamda O‘zbekiston Respublikasi Prezidentining 2021-yil 31-maydagi “ijro.gov.uz”  ijro intizomi idoralararo yagona elektron tizimi samarali faoliyat ko‘rsatishini taʼminlashga qaratilgan qo‘shimcha chora-tadbirlar to‘g‘risida”gi PQ-5132-son qarori bandlariga ham bir qancha o‘zgartirish va qo‘shimchalar kiritilganini maʼlum qilindi.

“O‘zbekiston respublika tovar-xom ashyo birjasi” AJda ijro intizomiga masʼul tarkibiy bo‘linma “Ijro intizomi bo‘limi” tashkil qilindi. Alohida tuzilma sifatida bevosita birinchi rahbar bo‘ysunuviga o‘tkazildi. Ijro intizomi bo‘limining asosiy faoliyat yo‘nalishlari etib quyidagilar belgilandi:

a) ijro intizomiga rioya qilinishi ustidan tizimli kunlik nazorat va monitoringni amalga oshirish;

b) ijro intizomida kamchiliklarga yo‘l qo‘ygan xodimlarga intizomiy jazo qo‘llash bo‘yicha birinchi rahbarga takliflar kiritish;

v) har hafta juma kuni kelgusi haftada va har oyning 25-sanasiga qadar kelgusi oyda bajarilishi lozim bo‘lgan topshiriqlar to‘g‘risida birinchi rahbarni xabardor qilish;

g) ijro intizomida yuzaga kelgan muammolarni bartaraf etishda xodimlarga amaliy yordam ko‘rsatish, xodimlar uchun tizimli ravishda o‘quv seminarlar hamda mashg‘ulotlarni tashkil etish.

Xususan, ijro intizomiga masʼul tarkibiy bo‘linma xodimlariga funksional majburiyati bilan bog‘liq bo‘lmagan vazifalar yuklatilishiga yo‘l qo‘yilmasligi ko‘rsatib o‘tildi.

“O‘zbekiston respublika tovar-xom ashyo birjasi” AJ tomonidan O‘zbekiston Respublikasi Prezidentining 2025-yil 25-iyuldagi “Davlat organlari va tashkilotlarda ijro intizomini yana-da mustahkamlashning qo‘shimcha chora-tadbirlari to‘g‘risida”gi PF-117-son Farmonida belgilangan topshiriq ijrosini o‘z muddatlarida amalga oshirishni taʼminlash bo‘yicha nazorat reja-jadval ishlab chiqildi, shuningdek, “ijro.gov.uz” tizimida ijro muddati belgilangan topshiriqlarni barvaqt va sifatli bajarib, ijrosi to‘g‘risidagi maʼlumotlarni tizimga yuklashni taʼminlash choralari ko‘rilmoqda.

O‘zbekiston Pespublikasi Prezidenti va Hukumati topshiriqlarni ijrosi bo‘yicha “O‘zRTXB” AJda 2025 yil 7 avgust holatiga “ijro.gov.uz” tizimi orqali bajarish jarayonida bo‘lgan topshiriqlarni taʼminlash borasida amalga oshirilgan ishlarga to‘xtalib o‘tildi. Jumladan:

2025 yil yanvar-avgust holatiga “O‘zRTXB” AJga 22 ta Prezident hujjatlarida 49 ta topshiriqlar mavjud hamda 20 ta Vazirlar Mahkamasi hujjatlarida 23 ta topshiriqlarni bajarilishi belgilangan.

Hususan, Prezident topshiriqlarining 24 tasida hamda Vazirlar Mahkamasi topshiriqlarining 7 tasida Birja asosiy ijrochi etib belgilangan.

Joriy yilning avgust holatida 49 ta Prezident topshiriqlaridan 14 tasi bajarilgan. Qolgan 25 tasi (ijro muddati mavjud) bajarish jarayonida.

Shuningdek, 23 ta Vazirlar Mahkamasi topshiriqlaridan 17 tasi bajarilgan. Qolgan 6 tasi (ijro muddati mavjud) bajarish jarayonida.

Bundan tashqari, 2025 yil 7 avgust holatiga Prezident administratsiyasi rahbari topshiriqlarida (ijro muddati mavjud) bo‘lgan 1 ta topshiriq va Hukumat komissiyasi xujjatlarida 2 ta topshiriqlar mavjud bo‘lib, Ijro intizomi bo‘limi tomonidan topshiriqlarning ijrosi nazoratga olingan.