HURMATLI AKSIYADORLAR!

“O‘zRTXB” AJ aksiyadorlariga 2026-yil 27- fevral kuni soat 11:00da aksiyadorlarning navbatdan tashqari umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi aksiyadorlar umumiy yig‘ilishlarini masofadan turib internet tarmog‘ida onlayn rejimda o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning navbatdan tashqari umumiy yig‘ilishida ishtirok etuvchi “O‘zRTXB” AJ aksiyadorlari reyestrini shakllantirish kuni: 2026-yil 23-fevral.

Kun tartibi:

1. “OʻzRTXB” AJ aksiyadorlari umumiy yigʻilishining reglamentini tasdiqlash.

2. “OʻzRTXB” AJ boshqaruv organlarini ragʻbatlantirish toʻgʻrisidagi Nizomni yangi tahrirda tasdiqlash toʻgʻrisida.

3. “OʻzRTXB” AJ Aksiyadorlarning umumiy yig‘ilishi toʻgʻrisidagi Nizomni yangi tahrirda tasdiqlash toʻgʻrisida.

4. “OʻzRTXB” AJ Kuzatuv kengashining amaldagi barcha a’zolarining vakolatlarini muddatidan oldin tugatish to‘g‘risida.

5. “OʻzRTXB” AJ Kuzatuv kengashi a’zolarini saylash to‘g‘risida.

6. 2026-yil uchun xayriya (homiylik) va boshqa beg‘araz yordam bo‘yicha kutilayotgan xarajatlarni tasdiqlash to‘g‘risida.

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida, 2026-yil 20-fevraldan boshlab aksiyadorlarning navbatdan tashqari umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning navbatdan tashqari umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz.

Aksiyadorlar o‘z murojaatlarini quyidagi elektron manzillarga yuborishlari mumkin: info@rtsb.uz.