HURMATLI AKSIYADORLAR!

“O‘zRTXB” AJ aksiyadorlariga 2026-yil 16-oktabr kuni soat 11:00da aksiyadorlarning navbatdan tashqari umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi aksiyadorlar umumiy yig‘ilishlarini masofadan turib internet tarmog‘ida onlayn rejimda o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning navbatdan tashqari umumiy yig‘ilishida ishtirok etuvchi “O‘zRTXB” AJ aksiyadorlari reyestrini shakllantirish kuni: 2026-yil 12-oktabr.

Kun tartibi:

1. “O‘zRTXB” AJ aksiyadorlari umumiy yig‘ilishi reglamentini tasdiqlash.

2. Mustaqil auditorlik tashkilotlarini, shuningdek ularning xizmatlari uchun toʻlovning eng yuqori miqdorlarini tasdiqlash:

-     “OʻzRTXB” AJning 2026-yil yakunlari boʻyicha moliya-xoʻjalik faoliyati natijalari asosida Milliy buxgalteriya hisobi standartlariga muvofiq tuzilgan moliyaviy hisobotining majburiy auditorlik tekshiruvini oʻtkazish uchun;

-     “OʻzRTXB” AJning 2026-yil yakunlari boʻyicha moliya-xoʻjalik faoliyati natijalari asosida Xalqaro moliyaviy hisobot standartlariga muvofiq tuzilgan konsolidatsiyalashgan moliyaviy hisobotini auditorlik tekshiruvidan oʻtkazish uchun;

-     Oʻzbekiston Respublikasi Vazirlar Mahkamasining 2015-yil 28-iyuldagi 207-son qaroriga ilova qilingan “Davlat ulushi boʻlgan aksiyadorlik jamiyatlari va boshqa xoʻjalik yurituvchi subyektlar faoliyati samaradorligini baholash mezonlari toʻgʻrisida”gi Nizom talablariga muvofiq, 2026-yil yakunlari boʻyicha SMK, SYK koʻrsatkichlari qiymatlari va ularning bajarilish foizlari hisob-kitoblarining toʻgʻriligini auditorlik tekshiruvidan oʻtkazish uchun.

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida, 2026-yil 12-oktabrdan boshlab aksiyadorlarning navbatdan tashqari umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning navbatdan tashqari umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz. Aksiyadorlar o‘z murojaatlarini quyidagi elektron manzilga yuborishlari mumkin: info@rtsb.uz.