Birja aʼzolari uchun seminar o‘tkazildi
2024-yil 24-sentabr kuni “O‘zbekiston respublika tovar-xom ashyo birjasi” AJning markaziy binosida birja aʼzolari uchun “Birja aʼzolari tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida ichki nazoratni tashkil etish va amalga oshirish tartibi” mavzusida hamda “Raqobat to‘g‘risida”gi qonunning mazmun mohiyati to‘g‘risida o‘quv-amaliy seminar tashkil etildi.
“O‘zbekiston respublika tovar xom-ashyo birjasi” AJ Komplayens-nazorat va axborot xavfsizligi Bosh boshqarmasi tashabbusi bilan tashkil etilgan seminarda markaziy apparat xodimlari va birja aʼzolari, shu jumladan hududiy filiallarda faoliyat yurituvchilar videokonferensiya dasturi orqali ishtirok etdi.
Seminarda, birja aʼzolari tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida mamlakatimizda so‘nggi yillarda keng ko‘lamli ishlar amalga oshirilayotganligi va bunday turdagi iqtisodiy jinoyatlarning har qanday ko‘rinishlariga qatʼiy murosasizlik madaniyati shakllanayotgani hamda ushbu yo‘nalishda qo‘llaniladigan qonun hujjatlari, ichki nazoratning maqsad va vazifalari, ichki nazoratni tashkil etish tartibi to‘g‘risida batafsil maʼlumotlar berildi.
Taʼkidlanganidek, yangi tahrirda qabul qilingan O‘zbekiston Respublikasining “Raqobat to‘g‘risida”gi Qonunining maqsadi tovar yoki moliya bozorlarida raqobatning cheklanishiga, shuningdek raqobat yoki tabiiy monopoliya sharoitlarida isteʼmolchilarning huquqlari va qonuniy manfaatlari kamsitilishiga olib keladigan yoki olib kelishi mumkin bo‘lgan harakatlarni nazorat qilishni amalga oshirish hamda ularga chek qo‘yish bilan bog‘liq bo‘lgan, raqobat sohasidagi munosabatlarni tartibga solishdan iborat.
Seminar davomida birja aʼzolari jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish sohasida hamda Raqobat to‘g‘risidagi qonun yuzasidan o‘zlarini qiziqtirgan savollariga javob oldilar.
Manbaa: "O'zRTXB" AJ PR bo'limi
Boshqa yangiliklar:
- Qashqadaryoda ommaviy tadbirlar o‘tkazildi
- Hududlarda yangi birja vositalari bo‘yicha o‘quv sеminarlari boshlandi
- UZEX haftalik dayjesti (7-13-oktabr)
- Birjada “Halqchil IPO” Roadshow taqdimoti bo‘lib o‘tdi
- Birja faoliyatiga doir Vazirlar Mahkamasining qarori qabul qilindi
- UZEX haftalik dayjesti (30-sentabr – 6-oktabr)