“AGRO EXCHANGE” MCHJ Qashqadaryo viloyati, Kitob tumani, Tupchok mahallasi hududida bog‘ tashkil qilish maqsadida gilos ko‘chatlarini ekish bo‘yicha
eng yaxshi takliflar tanlovini e’lon qiladi

 

I. Qashqadaryo viloyati, Kitob tumani, Tupchok mahallasi hududida tashkil etilayotgan bog‘ tashkil qilish loyihasida gilos ko‘chatlarini ekish jarayonida taklif etiladigan ko’chatlarga qo‘yiladigan talablar:

1. Ko‘chat ekiladigan joylarni belgilash;

2. Ko‘chat ekish uchun chuqurchalarni qazish, bunda ko‘chat ildizlarini to‘liq joylashishiga va payvantaglarini ko‘milib ketmasligiga e’tibor berish;

3. Ko‘chatlarni shikastlantirmasdan nav va changlatuvchilarga e’tibor berib qatorlarni tekis qilib ekish;

4. Ekilgan ko'chatlarga 8-10 litr atrofida suv quyilishini nazorat qilish;

5. Ildizlarga tashlangan tuproqlar suvni shimgandan so‘ng qayta tuproq tashlab mahkamlash;

6. Ko‘chatlarni agronom ko‘rsatmasiga muvofiq kesish.

Gilos (Skina. Maxma 14) – 910 dona

Gilos (Lapins/VSL) – 1780 dona

Gilos (Stakato/VSL) – 280 dona

Gilos (Lapins/KAP) – 590 dona

Gilos (Texlovan/VSL) – 360 dona

Gilos (SPC 342/Vishnya) – 973 dona

Jami: 4893 dona gilos ko’chatlarini ekish

II. Tanlov ishtirokchilariga quyidagi talablar belgilanadi:

soliq va boshqa majburiy to‘lovlardan qarzdorligi mavjud emasligi;

tashkil etilganligiga 6 oydan kam bo‘lmaganligi;

insofsiz ijrochilarning yagona reyestrida mavjud emasligi.

III. To‘lov shartlari: shartnoma imzolangandan keyin 5 bank kuni ichida kamida  30% oldindan to‘lov, to‘lovning qolgan 70% qismi hisobvaraq-faktura rasmiylashtirilgandan so‘ng 5 bank kuni ichida amalga oshiriladi.

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manziliga jo‘natishlarini so‘raymiz.

Loyiha tog‘li va qiyalik hududda amalga oshirilishi munosabati bilan hudud koordinatlari hamda batafsil maʼlumot olish uchun quyidagi telefonlarga murojaat qilishingiz mumkin:

Tashkiliy masalalar bo‘yicha: (+99871) 207-00-33 (ichki raqam 1040 M.Muxamedov va 1402 E.Sodiqov).