“AGRO EXCHANGE” MCHJ plastmassa qopqoqlarni xarid qilish bo‘yicha eng yaxshi takliflarni tanlash yuzasidan tanlov e’lon qiladi.

1. Xarid predmeti

Shpaler tizimidagi temir-beton ustunlarning yuqori qismiga o‘rnatish hamda tashqi ta'sirlarga qarshi himoya to‘ri uchun troslarni tortish va mahkamlashda foydalanish uchun quyidagi mahsulotlarni tayyorlab berish:

1. 8×8 sm (80×80 mm) o‘lchamdagi plastmassa qopqoq — 22 000 dona;
2. 10×10 sm (100×100 mm) o‘lchamdagi plastmassa qopqoq — 3 200 dona.

Jami: 25 400 dona.

Plastmassa qopqoqlar temir-beton ustunlarning yuqori qismiga mustahkam o‘rnatilishi hamda tashqi ta’sirlarga qarshi himoya to‘ri uchun mo‘ljallangan troslarni belgilangan yo‘nalishda tortish va mahkamlash imkonini berishi lozim.

Tayyorlab beriladigan mahsulotlar yangi, avval foydalanilmagan, sifatli, but, darz ketmagan, deformatsiyalanmagan va nuqsonsiz hamda belgilangan maqsadda foydalanish uchun to‘liq yaroqli bo‘lishi shart.

Mahsulotlarning o‘lchamlari, shakli, materiali, yuklamaga chidamliligi, mustahkamligi va boshqa texnik ko‘rsatkichlari buyurtmachi tomonidan belgilangan talablarga javob berishi hamda tegishli o‘lchamdagi temir-beton ustunlarning yuqori qismiga to‘liq mos kelishi lozim.

2. Tanlov ishtirokchilariga qo‘yiladigan talablar

Tanlovda ishtirok etuvchi talabgorlar quyidagi talablarga javob berishi lozim:

• O‘zbekiston Respublikasi qonunchiligida belgilangan tartibda ro‘yxatdan o‘tgan va o‘z faoliyatini qonuniy asosda amalga oshirayotgan bo‘lishi;
• korxona davlat ro‘yxatidan o‘tkazilganiga kamida 6 oy bo‘lgan bo‘lishi;
• soliqlar va boshqa majburiy to‘lovlar bo‘yicha muddati o‘tgan qarzdorligi mavjud bo‘lmasligi;
• insofsiz ijrochilarning yagona reyestriga kiritilmagan bo‘lishi;
• buyurtmachi yoki tanlovning boshqa ishtirokchilari bilan manfaatlar to‘qnashuviga olib keluvchi o‘zaro bog‘liq (affillangan) munosabatlarda bo‘lmasligi;
• shartnoma bo‘yicha o‘z zimmasiga oladigan majburiyatlarni belgilangan muddat va talablar asosida bajarish imkoniyatiga ega bo‘lishi.

Tanlovda belgilangan talablarga javob beruvchi mahalliy va xorijiy korxonalar ishtirok etishi mumkin.

3. Mahsulotlarni tayyorlab berish shartlari

G‘olib deb topilgan ishtirokchi mahsulotlarni shartnomada belgilangan muddatlarda, to‘liq hajmda va talab etilgan sifatda o‘z vaqtida tayyorlab berishi shart.

Mahsulotlarni qabul qilish jarayonida ularning miqdori, butligi, tashqi holati, o‘lchamlari, materiali, mustahkamligi, troslarni tortish va mahkamlashga yaroqliligi hamda belgilangan texnik talablarga muvofiqligi buyurtmachi tomonidan tekshiriladi.

Talablarga javob bermaydigan, singan, darz ketgan, deformatsiyalangan, mustahkamligi yetarli bo‘lmagan yoki o‘lchamlari buyurtmada belgilangan texnik ko‘rsatkichlarga mos kelmaydigan mahsulotlar qabul qilinmaydi.

4. To‘lov shartlari

• Oldindan to‘lov: Shartnoma imzolangan kundan boshlab 10 bank kuni ichida, oldindan 30% amalga oshiriladi.
• Yakuniy hisob-kitob: Barcha mahsulotlar to‘liq yetkazib berilgandan so‘ng qolgan 70% o‘takzib beriladi.

5. Takliflarni baholash mezonlari

Tijorat takliflarini baholashda quyidagi asosiy mezonlar inobatga olinadi:

• mahsulotlarning texnik talablarga muvofiqligi;
• mahsulotlarning sifati va mustahkamligi;
• troslarni tortish va mahkamlashga yaroqliligi;
• taklif etilgan narxning maqbulligi;
• mahsulotlarni tayyorlab berish muddati;
• to‘lov shartlarining maqbulligi;
• kafolat shartlari;
• ishtirokchining shartnoma majburiyatlarini o‘z vaqtida va sifatli bajarish imkoniyati.

Buyurtmachi uchun iqtisodiy va texnik jihatdan eng maqbul bo‘lgan taklif tanlov g‘olibi deb topiladi.

6. Tijorat takliflarini taqdim etish

Barcha manfaatdor tashkilotlar o‘z tijorat takliflarini belgilangan muddatda quyidagi manzillardan biri orqali taqdim etishlari mumkin:

Manzil: 100007, Toshkent shahri, Bobur ko‘chasi, 77-uy.

Elektron pochta: zakupki@rtsb.uz yoki e.sodiqov@rtsb.uz

Murojaat uchun: Elyor Sodiqov — 71 207 00 33 (+1402).